'ஒமேகா' ரகசிய கும்பல் உறுப்பினருக்கு சிறை

'ஒமேகா' ரக­சிய கும்­ப­லைச் சேர்ந்த உறுப்­பி­னர் ஒரு­வ­ருக்கு நேற்று எட்டு ஆண்டு, ஒன்­பது மாதங்­கள் சிறைத் தண்­டனை விதிக்­கப்­பட்­டது.

சட்­ட­வி­ரோத கும்­ப­லுடன் தொடர்­பு­டைய போதைப் பொருள் வர்த்­த­கத்­தில் முஹ­மட் சுஃபியான் ரஸ்லி ஈடு­பட்­டார்.

போதைப் பொருள் கடத்­திய குற்­றத்தை ஒப்­புக்கொண்ட அவ­ருக்கு திட்­ட­மிட்­ட குற்­றச்­செ­யல் சட்­டத்­தின்­கீழ் எட்டு பிரம்­படி தண்­ட­னை­யும் விதிக்­கப்­பட்­டது.

கஞ்சா போன்ற போதை­யைத் தரும் 'மஷ்­ரும்' அல்­லது 'பட்­டர்­ஃபிளை' என்று அழைக்­கப்­படும் போதைப் பொருளை சட்­ட­வி­ரோத ரக­சியக் கும்­பல் விற்­ற­தாக நீதி­மன்­றத்­தில் அர­சுத் தரப்பு வழக் ­க­றி­ஞர் சோங் கீ என் தெரி­வித்­தார். 2019 மார்ச் மாதத்­தில் ஹெர்­மன்டோ அப்­துல் தலிப், 45, என்­ப­வ­ரால் சுஃபியான் ரக­சி­யக் கும்­ப­லில் சேர்த்­துக் கொள்­ளப்பட்­டார்.

சுஃபியா­னுக்கு பணம் தேவைப்­பட்­ட­தால் அந்த கும்­ப­லில் அவர் சேர்ந்­த­தா­க­வும் தெரி­விக்­கப்­பட்­டது.

யூனோஸ் என்ற விநி­யோ­கிப்­பா­ளரிடமி­ருந்து நாள்­தோ­றும் போதைப்பொருளை பெறு­வது சுஃபியா­னின் வேலை­யாக இருந்­தது.

பின்­னர் கேலாங்­கில் உள்ள ஒரு காப்­பிக் கடை­யில் நிறுத்­தப்பட்ட சைக்­கிள்­க­ளின் பின்பிறம் போதைப் பொருள் பெட்­டியை சுஃபியான் வைக்க வேண்­டும். இதர கும்­பல் உறுப்­பி­னர்க­ளான 41 வயது ஷஃபி உஸ்­மான், 53 வயது ஃபடில்லா ஹாரோன் சைக்­கி­ளில் உள்ள போதைப் பொருளை பெற்­றுக் கொள்­வார்­கள். பின்­னர் ஷஃபியும் ஃபடில்­லா­வும் நாள் ­தோ­றும் 20 முதல் 30 வாடிக்­கை­யா­ளர்­க­ளுக்கு போதைப் பொருள் பொட்டலத்தை $60 முதல் $70 வரை விற்றனர். சுஃபியான் தனது வேலைக்கு ஏறக்­கு­றைய $20,000 சம்­பா­தித்­தார்.

2019 ஜூலை 16ஆம் தேதி காப்பிக் கடையை மத்திய போதைப் பொருள் ஒழிப்புப் பிரிவு அதிகாரிகள் சோதனையிட்ட போது போதைப் பொருள் கடத்தல் தெரியவந்தது. அப்போது சுஃபி யான் மற்றும் கும்பலைச் சேர்ந்த மூவரிடமிருந்து 60 போதைப் பொருள் பொட்டலங்கள் கைப் பற்றப்பட்டன.