சிஒஇ: மூன்று பிரிவுகளில் புதிய உச்சம்

வாகன உரி­மைச் சான்­றி­தழ் (சிஒஇ) கட்­ட­ணங்­கள் நேற்று எல்­லாப் பிரி­வு­க­ளி­லும் அதி­க­ரித்­துள்­ளன. பொதுப் பிரி­வில் சிஒஇ கட்­ட­ணம் இது­வரை இல்­லாத அள­வுக்கு, $116,577 ஆக உயர்ந்­தது.

பெரிய கார்­கள், மோட்­டார்­சைக்­கிள்­கள் ஆகி­ய­வற்­றுக்­கான பிரி­வு­க­ளி­லும் சிஒஇ கட்­ட­ணம் புதிய உச்­சத்­தைத் தொட்­டது.

நேற்­றைய குத்­தகை, நவம்­பர் முதல் ஜன­வரி வரைக்­கும் நடத்­தப்­பட்ட முதல் குத்­த­கை­யா­கும். கடந்த காலாண்­டு­டன் ஒப்­பி­டும்­போது இந்­தக் காலாண்­டில் 13.8 விழுக்­காடு குறை­வான வாக­னங்­கள் விற்­ப­னைக்கு விடப்­படும்.

பெரிய கார்­கள், அதா­வது 1,600 சிசிக்­கும் மேற்­பட்ட கார்­க­ளுக்­கும் 110 கிலோ­வாட்­டுக்­கும் அதி­க­மான எரி­சக்­தி­யைப் பயன்­ப­டுத்­தும் மின்­கார்­க­ளுக்­கு­மான பிரி­வில், சிஒஇ கட்­ட­ணம், 4.9 விழுக்­காடு அல்­லது $115,388ஆக உயர்ந்­தது. கடந்த ஏலக்­குத்­த­கை­யில் அப்­பி­ரி­வுக் கட்­ட­ணம் $110,000 ஆக இருந்­தது.

பெரிய கார்­க­ளுக்­கான சிஒஇ கட்­ட­ணம் செப்­டம்­ப­ரில் $113,000ஆக அப்­போது முன்­னெப்­போ­தும் இல்­லாத அளவு உயர்ந்­தது.

பொதுப் பிரிவு வாக­னங்­க­ளுக்­கான கட்­ட­ணம், $108,003லிருந்து, 7.9 விழுக்­காடு உயர்ந்து, $116,577 ஆனது. இவ்­வாண்டு ஜூலை­யில் அப்­பி­ரி­வுக் கட்­ட­ணம், $114,001 எனும் புதிய உச்­சத்­தைத் தொட்­டி­ருந்­தது.

மோட்­டார் சைக்­கிள்­க­ளுக்­கான சிஒஇ கட்­ட­ணம், $13,189 ஆனது. முந்­திய ஏலக்­குத்­த­கை­யில் $12,801 ஆக இருந்த கட்­ட­ணத்­தை­விட இது 3 விழுக்­காடு உயர்­வா­கும்.

சிறிய கார்­க­ளுக்­கான பிரி­வில் சிஒஇ கட்­ட­ணம் $81,089லிருந்து 7.6 விழுக்­காடு உயர்ந்து $87,235 ஆனது. சரக்கு வாக­னப் பிரி­வில் சிஒஇ கட்­ட­ணம் $70,201லிருந்து $76,302 ஆக அதி­க­ரித்­தது.