'இருமொழித் திறன் சிங்கப்பூருக்கு மிக முக்கியம்'

இரு­மொ­ழித் திற­னில் தொடர்ந்து அக்­கறை செலுத்­து­வது சிங்­கப்­பூருக்கு மிக­வும் முக்­கி­யம் என்று வலி­யு­றுத்­தப்­பட்­டுள்­ளது.

"அர­சாங்­கம் இரு­மொ­ழித் திறன் மேம்­பாட்­டைத் தொடர்ந்து ஆத­ரித்து வந்­தா­லும் இங்­குள்ள வெவ்­வேறு இனத்­த­வ­ரி­டையே அதன் வெற்­றிக்­கான அள­வு­கோல் வேறு­ப­டு­கிறது. சீனர்­க­ளை­யும் இந்­தி­யர்­களை­யும்­விட மலாய் இனத்­த­வர்­கள் ஆக அதிக இரு­மொ­ழித் திற­னா­ளர்­க­ளாக உள்­ள­னர்," என்று பேரா­சி­ரி­யர் எட்டி குவோ, இணைப் பேரா­சி­ரி­யர் லுவோ ஃபுடெங் இரு­வரும் கருத்­து­ரைத்­துள்­ள­னர். இரு­வ­ரும் சிங்­கப்­பூர் சமூக, அறி­வி­யல் பல்­க­லைக்­க­ழ­கத்­தில் பணி­பு­ரி­கின்­ற­னர்.

கடந்த 60 ஆண்­டு­க­ளாக அர­சாங்­கம் இரு­மொ­ழிக் கல்­விக் கொள்­கையை அமல்­ப­டுத்­தி­னா­லும் தாய்­மொ­ழி­க­ளின் தர மேம்­பாட்­டுக்கு இன்­னும் இடம் இருப்­ப­தாக அவர்­கள் குறிப்­பிட்­ட­னர்.

"சீனர்­கள், மாண்­ட­ரின் மொழிப் பயன்­பாடு குறித்து மாறு­பட்ட கருத்து கொண்­டி­ருப்­ப­தாக நினைக்­கி­றேன். மூத்த தலை­மு­றை­யி­னர் தாய்­மொ­ழிப் பயன்­பாட்டை ஆத­ரித்­தா­லும் மற்­ற­வர்­கள் ஆங்­கி­லத்­தையே அதி­கம் பயன்­ப­டுத்­து­கின்­ற­னர்," என்­றார் பேரா­சி­ரி­யர் குவோ.

"பர­வ­லா­க தமிழ் குறை­வா­கவே புழக்­கத்­தில் உள்­ளது. இந்­தி­யா­வின் பல்­வேறு பகு­தி­களில் இருந்து வந்த புதிய குடி­யே­றி­கள் வெவ்­வேறு மொழி­க­ளைப் பயன்­ப­டுத்­து­கின்­ற­னர்," என்று கூறிய அவர், "ஆனால் மலாய்க்­கா­ரர்­க­ளைப் பொறுத்­த­வரை சமய நம்­பிக்கை, கலா­சா­ரம் ஆகி­ய­வற்­றின் ரீதி­யாக ஒன்­று­பட்­டி­ருப்­பதால் சமு­தா­யத்­தில் தாய்­மொ­ழியை நிலை­நி­றுத்­து­வது அவர்­க­ளுக்கு எளி­தாக இருக்­கிறது," எனக் குறிப்­பிட்­டார்.

படித்­த­வர்­க­ளி­டையே தாய்­மொழி­யும் ஆங்­கி­ல­மும் தெரிந்­த­வர்­கள் என்று கணக்­கிட்­டால் சீனர்­க­ளி­டையே இந்த எண்­ணிக்கை 62.3 விழுக்­காடு. படித்த இந்­தி­யர்­களில் 41.8 விழுக்­காட்­டி­ன­ருக்­குத் தமி­ழும் ஆங்­கி­ல­மும் தெரி­யும். ஆனால் மலாய்க்­கா­ரர்­க­ளி­டையே இந்த எண்­ணிக்கை 82.8 விழுக்­காடு.

"மொழித் திறனை எடுத்­துக்­கொண்­டால், பேச்சு மொழித் திற­னும் எழு­தக்­கூ­டிய திற­னும் மாறு­பட்­டவை. சீனர்­களில் பல­ருக்கு மாண்­ட­ரின் மொழி­யில் பேசத் தெரிந்­தா­லும் எழுத்து மொழியை அவர்­கள் மேம்­ப­டுத்­திக்­கொள்ள இட­மி­ருக்­கிறது," என்­றார் இணைப் பேரா­சி­ரி­யர் லுவோ.

இரு­மொ­ழித் திறன் மேம்­பாட்­டில் சிங்­கப்­பூ­ரர்­கள் தொடர்ந்து கவ­னம் செலுத்த வேண்­டும் என்று குறிப்­பிட்ட இவ்­விரு கல்­வி­மான்­களும் மூன்­றாம், நான்­காம் தலை­முறை அர­சி­யல் தலை­வர்­க­ளி­டையே இரு­மொ­ழித் திறன் கொண்­டோ­ரின் எண்­ணிக்கை அதி­க­ரித்­தி­ருப்­பது சிறப்­பான அம்­சம் என்று குறிப்­பிட்­ட­னர்.

சீன மொழி­யில் இவ்­வி­ரு­வ­ரும் இணைந்து, 'வேற்­று­மை­யில் ஒற்­றுமை: சிங்­கப்­பூ­ரில் மொழி­யும் சமூ­க­மும்' என்ற தலைப்­பி­லான நூலை எழு­தி­யுள்­ள­னர். சென்ற ஜூலை மாதம் 276 பக்­கங்­கள் கொண்ட இந்­நூல் வெளி­யா­னது.

பல இன, பல கலா­சார மக்­கள் வாழும் சிங்­கப்­பூ­ரில் ஒன்­றுக்கு மேற்­பட்ட மொழி­களில் திறன் பெறு­வ­தற்­கான வாய்ப்­பு­கள் அதி­கம் என்று கூறிய பேரா­சி­ரி­யர் குவோ­வும் இணைப் பேரா­சி­ரிய லுவோ­வும் பன்­மொ­ழித் திறன் என்­பது போட்­டித்­தன்மை மிக்க உல­கில் வெற்­றி­பெ­றத் துணை­செய்­யும் என்­றார்.