மோனலிசா
வாசகர்களின் கற்றல் பயணத்தை ஊக்குவிக்கவும் அவர்களை மீண்டும் நூலகங்களுக்கு அழைக்கவும் தேசிய நூலக வாரியம் இம்மாதம் முழுவதும் பல சமூகக் கற்றல் நிகழ்வுகளுக்கு ஏற்பாடு செய்துள்ளது.
'லவ் அவர் லைப்ரரீஸ் அண்ட் ஆர்கைவ்ஸ் 2022' எனும் இந்
நிகழ்வில் வாசிப்பு மன்றங்கள், சமூகப் பகிர்வு அங்கங்கள், பயிலரங்கு கள், புத்தகங்களை நன்கொடையாக வழங்கும் அங்கங்கள் உட்பட பல சுவாரசிய நிகழ்வுகள் உள்ளன.
புத்தகங்களை நன்கொடையாக வழங்க விரும்புபவர்கள் இம்மாதம் 19, 20ஆம் தேதிகளில் காலை 11 மணி முதல் மாலை 6 மணி வரை 'பிக் புக் கிவ்அவே' எனும் நிகழ்வின் மூலம் கீழ் குறிப்பிடப்பட்டுள்ள 11 நூலகங்களை அணுகலாம்.
நூலகங்கள்: அங் மோ கியோ பொது நூலகம், புக்கிட் பாத்தோக் பொது நூலகம், புக்கிட் பாஞ்சாங் பொது நூலகம், சுவா சூ காங் பொது நூலகம், கிளமெண்டி பொது நூலகம், ஜூரோங் வட்டார நூலகம், ஜூரோங் வெஸ்ட் பொது நூலகம், குவீன்ஸ்டவுன் பொது நூலகம், செம்பவாங் பொது நூலகம், உட்லண்ட்ஸ் வட்டார நூலகம் மற்றும் ஈசூன் பொது நூலகம்.
'ஷேர் ஃபெஸ்ட்' எனும் சொற்பொழிவு நிகழ்வு நாளை ஹார்பர்ஃபிரண்ட் நூலகத்தில் பிற்பகல் 2.30 மணி முதல் மாலை 4 மணி வரை, தெம்பனிஸ் வட்டார நூலகத்தில் காலை 11 மணி முதல் பிற்பகல் 12.30 மணி வரை, தேசிய பொது நூலகத்தின் 'என்எல்பி கஃபே'யில் (NLB Cafe) பிற்பகல் 3 மணி முதல் மாலை 4 மணி வரை நடைபெறுகிறது. இந்நிகழ்வில் பல்வேறு துறைகளைச் சார்ந்த நிபுணர்கள் சொற்பொழிவு ஆற்றஉள்ளனர்.
'கம்யூனிட்டி ஷோ அண்ட் டெல்' நிகழ்வு மூலம் பல்வேறு துறை
களைச் சார்ந்தோர் தங்களின் கற்றல் அனுபவங்களைப் பகிர்ந்துகொள்வர். நாளை மறுநாள் கீழ் குறிப்பிடப்பட்டுள்ள ஒன்பது நூலகங்களில் இந்நிகழ்வு நடைபெறுகிறது.
நூலகங்கள்: பீஷான் பொது நூலகம், பிடோக் பொது நூலகம், செங் சான் பொது நூலகம், கேலாங் ஈஸ்ட் பொது நூலகம், பாசிர் ரிஸ் பொது நூலகம், சிராங்கூன் பொது நூலகம், செங்காங் பொது நூலகம், தெம்பனிஸ் வட்டார நூலகம் மற்றும் தோ பாயோ பொது
நூலகம்.
மேலும், குழந்தைகளைக் கவரும் வண்ணம் கைவினைப் பொருள்கள் செய்யக் கற்றுக்
கொடுக்கும் பயிலரங்கிற்கும் ஏற்பாடு செய்யப்பட்டுள்ளது. இந்தப் பயிலரங்கு நாளை தெம்பனிஸ் வட்டார நூலகத்திலும் ஹார்பர்பிஃரண்ட் நூலகத்திலும் நடைபெறுகிறது. நாளை மறுநாள் மத்திய மற்றும் கிழக்கு வட்டார நூலகங்களிலும் நடைபெறும். அவற்றில் பீஷான் பொது நூலகமும் அடங்கும். ஆர்ச்சர்ட் பொது நூலகத்தில் இந்தப் பயிலரங்கு நடைபெறாது. இந்நிகழ்வுகள் குறித்த கூடுதல் தகவல்களுக்கு https://go.gov.sg/lola22-collection இணையத்
தளத்தை நாடலாம்.