மாணவர் முரசு
இ-பேப்பர்
தமது சொந்த மகளை நான்கு, ஐந்து வயதாக இருந்தபோது இரண்டு முறை பாலியல் வன்கொடுமை செய்ய முயன்ற குற்றத்தை 37 வயது ஆடவர் ஒருவர் நேற்று உயர் நீதிமன்றத்தில் ஒப்புக்கொண்டார்.
மருத்துவமனையில் உணவு பரிமாறுபவராகப் பணிபுரிந்த மலேசிய ரான இவர், 2013ஆம் ஆண்டு வாக்கில் தமது மகளை பாலியல் வன்கொடுமை செய்ய முயன்றதாக சுமத்தப்பட்ட இரண்டு குற்றச்சாட்டு களையும் ஒப்புக் கொண்டார்.
தற்போது 13 வயதாகும் சிறுமி, தொடக்கநிலை ஐந்தில் பாலியல் கல்வி பயின்றபோதுதான், தமது தந்தை செய்தது தவறு என்பதை உணர்ந்தார்.
பாதிக்கப்பட்ட சிறுமிக்கு மற்ற துன்புறுத்திய சம்பவங்கள் குறித்த விவரங்களை நினைவில் கொள்ள முடியவில்லை என்றும் அரசுத் தரப்பு வழக்கறிஞர் தெரிவித்தார்.
தமது நண்பர்கள் தம்மை ஒதுக்கிவிடுவார்கள் என்றும் தந்தை சிறையில் அடைக்கப்பட்டால், தமது தாயார் தனியாக குடும்பத்தை ஆதரிக்க வேண்டும் என்றும் பயந்ததால், தமக்கு நடந்த வன்கொடுமையை யாரிடமும் அச்சிறுமி சொல்லவில்லை.
பாதிக்கப்பட்ட சிறுமி தமக்கு நடந்த வன்கொடுமைக்கு தம்மைத் தாமே பழிகூறி, தன்னைக் காயப்படுத்தத் தொடங்கினாள். இவ்வாண்டு ஜனவரியில் சிறுமியின் கைகளில் காயங்களைக் கவனித்த ஆசிரியரிடம் சிறுமி நடந்ததை கூறினார்.
பின்னர் சமுதாய, குடும்ப மேம்பாட்டு அமைச்சின் சிறார் பாதுகாப்பு அதிகாரியும் பள்ளி ஆலோசகரும் சிறுமியை பரிசோதனைக்காக மருத்துவமனைக்கு அழைத்துச் சென்றனர். இதுகுறித்து காவல் துறையிடம் மருத்துவமனை புகார் செய்தது.
இந்த வண்கொடுமையினால், பாதிக்கப்பட்ட்ட சிறுமிக்கு பல மனநலப் பிரச்சினைகள் ஏற்பட்டன. கடந்த ஏப்ரல் 12ஆம் தேதிக்கும் செப்டம்பர் 7ஆம் தேதிக்கும் இடைப்பப்பட்ட காலத்தில், சிறுமி 17 முறை மனநல ஆலோசனை பெறச் சென்றாள். மனச்சிதைவை ஏற்படுத்தும் அளவுக்கு பாலியல் துன்புறுத்தல்கள் இழைக்கப்பட்டி ருப்பதால் குற்ற வாளிக்கு எட்டரை ஆண்டு முதல் ஒன்பதாண்டு வரை யிலான சிறைத் தண்டனை விதிக்கு மாறு அரசுத்தரப்பு வழக்கறிஞர் கோரி னார்.
இருப்பினும் குற்றத்தை சீக் கிரமே ஒப்புக்கொண்டதால் இதை விடக் குறைவான தண்டனை விதிக் குமாறு தற்காப்பு வழக்கறிஞர் கோரிக்கை விடுத்தார்.
தண்டனை முடிந்ததும் அந்த ஆடவர் சொந்த நாட்டுக்கு திருப்பி அனுப்பப்படுவார் என்றும் அவரது மனைவி அவரை விவாகரத்து செய்யும் நிலையில் இருப்பதாகவும் அவர் கூறினார்.
பாலியல் வன்கொடுமை முயற்சியின் ஒவ்வொரு குற்றத்திற்கும் குறைந்தபட்ச தண்டனை என்னவாக இருக்க வேண்டும் என்பது குறித்த விவாதங்களுக்கு இடையே வழக்கு பின்னொரு தேதிக்கு ஒத்திவைக்கப்பட்டது.