பதைபதைக்க வைத்த ராபின்சன்ஸ் கடைத்தொகுதி தீ விபத்து நடந்து 50 ஆண்டுகள் நிறைவு

ராஃபிள்ஸ் பிளே­சில் அமைந்­தி­ருந்த அந்­நா­ளின் ராபின்­சன்ஸ் கடைத்­தொ­கு­தி­யில் பெரும் தீச்­சம்­ப­வம் நிகழ்ந்து நாளை­யு­டன் 50 ஆண்­டு­கள் ஆகின்­றன.

கடந்த 1972ஆம் ஆண்டு நவம்­பர் 21ஆம் தேதி ராபின்­சன்ஸ் கடைத்­தொ­குதி கட்­ட­டத்­தில் தீ மூண்­டது. ஒன்­பது பேர் அதில் மாண்­ட­னர். சிங்­கப்­பூர் வர­லாற்­றில் ஏற்­பட்ட ஆக மோச­மான தீச்­சம்­ப­வங்­களில் அது­வும் ஒன்று.

நவம்­பர் 21ஆம் தேதி காலை 9.30 மணிக்­குக் கடை திறந்த சில நிமி­டங்­களில் தீச்­சம்­ப­வம் ஏற்­பட்­டது. எளி­தில் தீப்­பற்­றிக் கொள்­ளக் கூடிய பொருள்­கள் வைக்­கப்­பட்­டி­ருந்த பர­ணில் மின்­சா­ரக் கோளாறு ஏற்­பட்டு தீ மூண்­டது.

தீப்­பி­ழம்­பு­கள் 60 மீட்­டர் உய­ரம் வரை சென்­ற­தா­க­வும் அவற்றை ஜூரோங்­கி­லி­ருந்து பார்க்க முடிந்­த­தா­க­வும் கூறப்­பட்­டது.

சிலர் மின்­தூக்­கி­களில் சிக்­கிக் கொண்­டி­ருந்­த­னர். கட்­ட­டத்­தில் இருந்த மின்­தூக்­கி­களில் ஒன்­றி­லி­ருந்து சிலர் அன்று காப்­பாற்­றப்­பட்­ட­னர்.

தீச்­சம்­ப­வம் நடந்த ஈராண்டு களுக்­குப் பின்­னர் சிங்­கப்­பூ­ரில் தீ தொடர்­பான விதி­மு­றை­கள் முதன்­மு­றை­யாக வெளி­யி­டப்­பட்­டன. தற்­போது அந்த விதி­முறை தொகுப்­பேட்­டின் எட்­டா­வது பதிப்பு நடப்­பில் உள்­ளது. ஒன்­ப­தா­வது பதிப்பு அடுத்த ஆண்டு வெளி­யி­டப்­படும்.

அந்­தத் தீச்­சம்­ப­வத்­தில் கிடைத்த பெரிய பாடங்­களில் ஒன்று மின்­தூக்­கிப் பாது­காப்­பா­கும். மாண்­ட­வர்­களில் எட்டு பேர், மின்­தூக்­கி­யில் சிக்கி இறந்­த­னர். மின்­சா­ரம் துண்­டிக்­கப்­பட்­டால் மாற்­று­வ­ழி­யில் மின்­சா­ரம் பெறும் ஆற்­றல் இல்­லாத மின்­தூக்­கி­கள் அவை.

தற்­போ­தைய விதி­மு­றை­க­ளின்­படி சிங்­கப்­பூர் கட்­ட­டங்­களில் மின்­சா­ரம் துண்­டிக்­கப்­பட்­டால் அங்­குள்ள மின்­தூக்­கி­கள் மக்­கள் பாது­காப்­பாக வெளி­யே­று­வ­தற்கு ஏது­வாக, குறிப்­பிட்ட மாடிக்­குச் செல்­லும் ஆற்­றல் உள்­ள­ன­வாக இருக்க வேண்­டும். மேலும், மின்­சா­ரம் துண்­டிக்­கப்­பட்­டா­லும் மாற்­று­வ­ழி­யில் மின்­சா­ரம் பெறக்­கூ­டிய மின்­தூக்­கி­கள் கட்­ட­டங்­களில் பொருத்­தப்­பட்­டி­ருக்க வேண்­டும்.

அத்­து­டன், எளி­தில் தீ பற்ற முடி­யாத பொருள்­க­ளால் கட்­ட­டம் கட்­டப்­பட்­டி­ருக்க வேண்­டும் என்­றும் தீ வெவ்­வேறு இடங்­களில் பர­வு­வ­தைத் தடுக்க, தனித்­தனி இடங்­க­ளா­கப் பிரிக்­கப்­பட்­டி­ருக்க வேண்­டும் என்­றும் விதி­மு­றை­கள் கூறு­கின்­றன.

மேலும், ராபின்­சன்ஸ் கடைத்­தொ­குதி தீயை அடுத்து, தீய­ணைப்­புச் சாத­னங்­கள் மேம்­ப­டுத்­தப்­பட்டு வரு­கின்­றன.

சகோதரரின் நினைவாக கடிகாரம்

தீச்­சம்­ப­வம் நடந்த காலை­யில் வானொலி கேட்­டுக்­கொண்­டி­ருந்த திரு சிவ­லிங்­கம் சுந்­த­ரே­ச­னுக்கு திடுக்­கி­டும் செய்தி கிடைத்­தது.

ராபின்­சன்ஸ் கடைத்­தொ­கு­தி­யில் மிகப் பெரிய தீ விபத்து ஏற்­பட்­டதை அறிந்த அவர் அவ்­வி­டத்­துக்கு விரைந்­தார்.

அப்போது 33 வயதாகியிருந்த தமது அண்ணன் திரு சிவ­சுந்­த­ரம் சுந்­தே­ர­சன் கடைத்­தொ­கு­தி­யில் மின்­தூக்­கிப் பணி­யா­ள­ராக வேலை பார்த்­து­கொண்­டி­ருந்­தார்.

அண்­ண­னைத் தேடி சென்ற திரு சிவ­லிங்­கம் சம்­பவ இடத்­தில் மாலை 5 மணி வரைக்­கும் காத்­தி­ருந்­தார். அண்­ணன் பற்றி எந்­தத் தக­வ­லும் இல்லை.

"அடுத்த நாள் நிரு­பர்­கள் சிலர் எங்­கள் வீட்­டுக்கு வந்து என் சகோ­த­ரர் பற்றி கேள்வி கேட்­ட­னர். அவர் தீயில் மடிந்­தது அவர்­கள் சொல்­லி­தான் எனக்கு தெரி­ய­வந்­தது," என்று நினை­வு­கூர்ந்­தார் திரு சிவ­லிங்­கம், 79.

சில நாள்­கள் கழித்து, திரு சிவ­சுந்­த­ரத்­தின் உட­மை­க­ளைப் பெற்­று­கொள்ள திரு சிவ­லிங்­கம் அப்­போ­துள்ள ஊட்­ரம் ரோடு பொது மருத்­து­வ­ம­னைக்­குச் சென்­றார் (தற்­போ­துள்ள சிங்­கப்­பூர் பொது மருத்­து­வ­மனை). தீயில் மடிந்த திரு சிவ­சுந்­த­ரத்­தின் இடுப்பு எலும்பு மட்­டும்­தான் மிஞ்­சி­யது. சம்­ப­வம் நடந்­த­போது அவர் அணிந்­தி­ருந்த சேக்கோ கைக்­க­டி­கா­ரம் கரு­கிய நிலை­யில் திரு சிவ­லிங்­கத்­தி­டம் ஒப்­ப­டைக்­கப்­பட்­டது. அண்­ண­னின் நினை­வாக இன்று அந்­தக் கைக்­ க­டி­கா­ரம் மட்­டுமே மிஞ்சியுள்ளது.

"அந்த கடி­கா­ரத்தை என்­னால் பல வேளை­களில் பார்க்­கக்­கூட முடி­யாது. அன்று என் அண்­ண­னும் மற்­ற­வர்­களும் பட்ட வேத­னையை என்­னால் நினைத்­துக்­கூட பார்க்க முடி­ய­வில்லை," என்று திரு சிவலிங்கம் கூறினார்.

மாண்ட திரு சிவ­சுந்­த­ரத்­திற்கு மனை­வி­யும் இரு பிள்­ளை­களும் உள்­ள­னர்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!