மாணவர் முரசு
இ-பேப்பர்
நீண்டகால கொவிட்-19 கிருமிப் பரவலால் பாதிக்கப்பட்ட நோயாளி கள் தங்கள் வீட்டிலேயே இருந்தபடி உடற்பயிற்சி செய்து குணமடைய உதவவும், கிருமித்தொற்றுக்குப் பின் தங்களின் உடலுழைப்பை மேம்படுத்த உதவவும் 'மூவிட்' (MoveID) எனப்படும் திறன்பேசிச் செயலி உருவாக்கப்பட்டுள்ளது.
இதயத்துடிப்பைக் கண்டறிய கைவிரலில் பொருத்தப்படும் கருவி, ரத்தத்தின் உயிர்வாயு அளவைக் கணக்கிட உதவும் SpO2 சென்சார் ஆகியவற்றோடு இணைந்து இந்தச் செயலி, உடற்பயிற்சி யோசனைகளை நோயாளிகளுக்கு வழங்குகிறது.
அடுத்த ஆண்டு, முதல் காலாண் டில் இந்தப் புதிய செயலி வெளியிடப்படும் என்று எதிர்பார்க்கப்
படுகிறது.
நீண்டகால கொவிட்-19 நோயாளிகளை நேரடியாக உடற்பயிற்சி வகுப்புகளுக்கு வரவழைப்பதற்கு மாறாக வீட்டில் இருந்தபடியே தங் களுக்கு வசதிப்படும் வகையில் உடற்பயிற்சி செய்யும் சேவை
வழங்குவதும் இச்செயலியின் நோக்கம்.
கொவிட்-19 கிருமித்தொற்றால் பாதிக்கப்பட்டவர்களில் வழக்க மான செயல்பாட்டு நிலைகளுக்குத் திரும்புவதில் சிரமம் உள்ளவர்களுக்கு, குறிப்பாக வயதானவர்களுக்கு உதவுவதை இந்த உடற்பயிற்சித் திட்டம் நோக்கமாகக் கொண்டுள்ளது. நோயாளிகள் இதற்குத் தகுதிபெறும் நிலையில், தற்போதைய உடல்நலத்தைத் தீர்மானிக்க தங்களது உடல் இயக்க மருத்துவருடன் ஓர் ஆரம்ப மதிப்பீட்டுச் சோதனையைப் பெறுவர்.
பின்பு இந்தச் செயலியின் வழி, நீண்டகால கொவிட்-19 நோயாளிகள் எட்டு வார உடற்பயிற்சித் திட்டத்தை வீட்டில் தொடங்குவார்கள். செயலியில் காட்டப்படும் உடற்பயிற்சிகள் பயன்படுத்து
பவர்களின் உடற்பயிற்சி நிலைக்கு ஏற்ப மாறும் வகையில் வடிவமைக்கப்பட்டுள்ளன. தொழில்நுட்ப 'அல்காரிதத்தை' பயன்படுத்தி நோயாளிகளுக்கான பயிற்சிகளை செயலி மேலும் மேம்படுத்தும். திட்டத்தின் முடிவில், பாதிக்கப்பட்ட நோயாளி தனது உடல் இயக்க மருத்துவருடன் இறுதி மதிப்பீட்டுச் சோதனைக்கு உட்
படுத்தப்படுவார்.
'மூவிட்' செயலியை பயன்படுத்துவதன் மூலம் பாதிக்கப்பட்ட நோயாளிகள் தங்கள் உடற்பயிற்சி அமர்வுகளை திட்டமிட்டுக்கொள்ளலாம், தங்களுக்கென ஓர் இலக்கையும் நிர்ணயித்துக்கொள்ளலாம். உடல்நிலை சார்ந்த தகவல்கள், வழிகாட்டிகள் போன்றவற்றை செயலி மூலமாகவே அறிந்துகொள்ளலாம். செயலி வழி நோயாளிகள் செய்யும் உடற்பயிற்சியின் விவரங்களை அவர்களின் மருத்துவர்கள் அடுத்தகட்ட சிகிச்சை வழங்குவதற்குப் பயன்படுத்திக்கொள்ளலாம்.
2020ஆம் ஆண்டு டான் டோக் செங் மருத்துவமனையின் மருத்துவர்கள் குழு, உடல் இயக்க மருத்துவர்கள், செயலி தயாரிப்பாளர்கள் ஆகியோர் ஒன்றிணைந்து இந்தச் செயலியை உருவாக்கும் முயற்சிகளில் ஈடுபடத் தொடங்கினர். இவ்வாண்டு மே மாதம் முதல், கொவிட்-19 தொற்றிலிருந்து குணமடைந்து, அவர்
களின் மருத்துவர்களால் இந்த உடற்பயிற்சித் திட்டத்திற்கு பரிந்துரைக்கப்படும் நோயாளிகளைக் கொண்டு ஓர் ஆய்வு நடத்தப்பட்டு வருகிறது.
'மூவிட்' செயலியை நுரையீரல் சார்ந்த மற்ற நோயாளிகளுக்கும் ஏற்ற வகையில் விரிவுபடுத்துவதையும் இதர அதிகாரத்துவ மொழிகளில் வெளியிடுவதையும் எதிர்கால இலக்காகக் கொண்டுள்ளதாகத் தெரிவிக்கப்பட்டு உள்ளது.