முதிர்ச்சி அடைந்த பேட்டைகளில் வீடு: முதன்முறை மனு, முதல் முயற்சியிலேயே வெற்றி 20-24 விழுக்காட்டினருக்கு வீவக ‘பிடிஓ’ வீடு கிடைத்தது

சிங்­கப்­பூ­ரில் கடந்த மூன்­றாண்­டு­களில் முதிர்ச்சி அடைந்த பேட்­டை­களில் பிடிஓ வீடு வாங்க முதல்­முறை­ விண்­ணப்­பித்­த­வர்­களில், முதல் முயற்­சி­யி­லேயே வெற்றி பெற்­ற­வர்­க­ளின் விகி­தம் 20% முதல் 24% வரை என்று தேசிய வளர்ச்சி அமைச்­சர் டெஸ்­மண்ட் லீ நாடா­ளு­மன்­றத்­தில் தாக்­க­லான கேள்­விக்கு எழுத்துபூர்­வ­மாக அளித்த பதி­லில் தெரி­வித்துள்­ளார்.

அத்­த­கைய வீட்டை வாங்க ஐந்து முறைக்­கும் மேல் முயன்­ற­வர்­கள் 2% கூட கிடை­யாது என்றாரவர். முதிர்ச்சி அடைந்த குடி­யி­ருப்­புப் பேட்­டை­களில் பிடிஓ வீடு­க­ளுக்கு இப்­போது தேவை மிக அதி­க­மாக இருக்­கிறது என்­பதை அவர் சுட்­டி­னார்.

பாட்டாளிக் கட்சி நாடா­ளு­மன்ற உறுப்­பி­ன­ரான திரு­வாட்டி ஹி டிங் ருவுக்கு அமைச்­சர் பதி­ல­ளித்­தார்.

அத்­த­கைய பேட்­டை­களில் வீட்டை வாங்க விண்­ணப்­பிக்­கும் அனை­வ­ருக்­குமே வீடு கிடைத்து விடாது. ஆகை­யால், முதிர்ச்­சி­யடை­யாத பேட்­டை­களில் கட்­டப்­படும் பிடிஓ வீடு­களை வாங்க விண்­ணப்­பிக்­கும்­படி விண்­ணப்­ப­தா­ரர்­க­ளுக்கு ஊக்­க­மூட்­டப்­படுவதா­க­வும் அவர் தெரி­வித்­தார்.

சிங்­கப்­பூ­ரில் 2011ஆம் ஆண்­டில் இருந்து 2021 ஆம் ஆண்டுவரைப்­பட்ட காலத்­தில் வீட­மைப்பு வளர்ச்­சிக் கழக அடுக்­கு­மாடி வீடு­களில் 95 விழுக்­காட்டு வீடு­கள் சிங்­கப்­பூ­ரர்­க­ளுக்­குச் சொந்­த­மா­ன­வை­யாக இருந்­தன.

அந்த வீடு­க­ளின் உரி­மை­யாளர்­கள் இரு­வ­ருமே குடி­யு­ரிமை பெற்­ற­வர்­கள். அவர்­கள் 780,000 முதல் 970,000 வரைப்­பட்ட வீவக வீடு­களைச் சொந்­த­மா­கக் கொண்­டிருந்­த­னர்.

சிங்­கப்­பூர் நிரந்­த­ர­வா­சி­க­ளைக் கொண்ட குடும்­பங்­க­ளுக்­குச் சொந்­த­மான அடுக்­கு­மாடி வீடு­களின் எண்­ணிக்கை 2010ல் சுமார் 47,000 (6%) ஆக இருந்­தது. இந்த எண்­ணிக்கை 2021ல் 44,000 (4%) ஆகக் குறைந்து இருக்­கிறது என்று தேசிய வளர்ச்சி அமைச்­சர் லீ, நாடா­ளு­மன்­றத்­தில் தாக்­கல் செய்­யப்­பட்ட எழுத்து மூல­மான வேறோர் உறுப்­பி­ன­ரின் கேள்­விக்கு அளித்த பதி­லில் தெரி­வித்­தார்.

சிங்­கப்­பூ­ரில் சிங்­கப்­பூ­ரர்­க­ளின் வீட்டு தேவையை நிறை­வேற்­று­வதே அர­சாங்க வீட்­டுத் திட்­டத்­தின் இலக்கு. சிங்­கப்­பூர் குடி­யு­ரிமை பெற்ற ஒரு­வ­ரை­யா­வது உறுப்­பி­ன­ரா­கக்ெகாண்ட குடும்­பங்­கள் மட்டுமே மானிய விலை­யி­லான பிடிஓ அடுக்கு ­மாடி வீட்டை வாங்க முடி­யும்.

மனுச் செய்­வோ­ரில் முக்­கி­ய­மான விண்­ணப்­ப­தாரர், குடி­யு­ரிமை பெற்­ற­வ­ராக இருக்­க­வேண்­டும்.

நிரந்­த­ர­வா­சி­க­ளைக் கொண்ட குடும்­பங்­கள், மறு­விற்­பனை வீட்டை மட்­டுமே வாங்­க­லாம். இவர்­க­ளுக்கு வீட்டு மானி­யம் கிடை­யாது. நிரந்­த­ர­வாச உரி­மை­யைப் பெற்று குறைந்­த­பட்­சம் மூன்­றாண்­டு­க­ளுக்­குப் பிறகு­தான் வீடு வாங்க முடி­யும்.

சிங்­கப்­பூர்­வா­சி­கள் அல்­லாத மற்­ற­வர்­கள் வீவக வீட்­டைச் சொந்­த­மாக வாங்க முடி­யாது.

சிங்­கப்­பூர் நிரந்­த­ர­வாச உரிமை யைக் கைவி­டு­வோர், வீட்­டை­யும் கைவிட்­டு­விட வேண்­டும். அவர்­கள் அப்­படிச் செய்­ய­வில்லை என்­றால் வீவக வீட்டை கட்­டா­ய­மாக அவர்­க­ளி­டம் இருந்து பெற்­று­வி­டும் என்­றும் அமைச்­சர் விளக்­கி­னார். இத்­த­கை­யோ­ரின் எண்­ணிக்கை மிக மிக சொற்­பம் என்­றார் அவர்.

அண்­மைய வீவக வீடு விற்­பனை­க­ளின்­போது வீடு­க­ளைப் பெற்ற மனு­தா­ரர்­களில் 10 பேரில் சுமார் நான்கு பேர், வீட்டை எடுத்­துக்­கொள்ள விரும்­ப­வில்லை.

விரும்­பிய வீடு கிடைக்­க­வில்லை என்­ப­தையும் பிறகு வீட்டை வாங்­கிக்­கொள்­ள­லாம் என்று அல்­லது மறு­விற்­பனை வீட்டை வாங்­கிக் கொள்­ள­லாம் என்று தாங்­கள் முடி­வெ­டுத்­து­விட்­ட­தையும் இதற்­கான கார­ணங்­க­ளாக அவர்­கள் தெரி­வித்­த­னர்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!