காட்டுக்கு கீழே ரயில் பாதை அமைக்க $758 மி. குத்தகை குறுக்குத் தீவு வழித்தட இரண்டாம் கட்டப் பணிகள் 2023 முதல் பாதியில் தொடங்கும்

06 Dec 2022 - 5:30 am

2 mins read

குறுக்குத் தீவு எம்ஆர்டி வழித்தடத்தின் இரண்டாம் கட்டத்திற்காக 5கி.மீ. சுரங்கப்பாதை கட்டப்படுகிறது. அந்தப் பாதையை வடிவமைத்து கட்டுவதற்காக $758 மில்லியன் குத்தகையை நிலப் போக்குவரத்து ஆணையம் வழங்கி இருக்கிறது.

அந்த 5 கி.மீ. சுரங்கப்பாதை யில் 2 கி.மீ. பகுதி மத்திய நீர்த்தேக்க காட்டுப் பகுதிக்குக் கீழே செல்லும்.

குறுக்குத் தீவு எம்ஆர்டி வழித்தடத்தின் பொங்கோல் நீட்டிப்பு திட்டத்தின்கீழ் பொங்கோல் ரயில் முனையத்தைக் கட்டுவதற்காக $496 மில்லியன் மதிப்புள்ள வேறொரு குத்தகையையும் ஆணையம் வழங்கி இருக்கிறது.

இந்த இரண்டு திட்டங்களுக்கான கட்டுமானப் பணிகள் 2023 முதல் பாதியில் தொடங்கும் என்று எதிர்பார்க்கப்படுகிறது.

அந்த வழித்தடத்தில் பயணிகள் போக்குவரத்து 2032ஆம் ஆண்டு தொடங்கும் என்று ஆணையம் நேற்று தெரிவித்தது.

'ஒபயாஷி கார்ப்பரேஷன்' என்ற நிறுவனத்திற்கும் 'ஷாங்காய் டன்னல் இன்ஜினியரிங் கம்பெனி (சிங்கப்பூர்)' நிறுவனத்திற்கும் இடைப்பட்ட ஒரு கூட்டு நிறுவனம் ஃபேர்வேஸ் டிரைவில் இருந்து ஷின் மிங் வாக் வரை நீளும் அந்த 5 கி.மீ. சுரங்கப்பாதையைக் கட்டும்.

அந்தப் பாதையைத் தோண்டுவதற்குப் பெரிய சுரங்கம் தோண்டும் இயந்திரம் பயன்படுத்தப்படும். அந்த இயந்திரத்தின் விட்டம் கிட்டத்தட்ட 12 மீட்டர் இருக்கும்.

அந்தப் பாதை பூமி மட்டத்தில் இருந்து 70 மீட்டர் கீழே அமையும். பொதுவாக சுரங்கப்பாதை 20 முதல் 30 மீட்டர் ஆழத்தில்தான் இருக்கும். அந்தத் திட்டத்தின் மூலம் ஏற்படக்கூடிய சுற்றுச்சூழல் பாதிப்பு களைத் தவிர்த்துக்கொள்ளும் வகையில் அனைத்து நடவடிக்கைகளும் எடுக்கப்படும் என்று ஆணையம் தெரிவித்தது.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

கைது செய்யப்பட்ட சீன நாட்டவரிடமிருந்து கைப்பற்றப்பட்ட பொருள்கள்.

முஸ்தஃபா சென்டரில் வங்கி அட்டை விவரங்களை ரகசியமாகத் திருடியவர் கைது

20 Oct 2026 - 2:52 PM

‘லாரன்ஸ் அறக்கட்டளை’ இருபது ஆண்டுகளை வெற்றிகரமாக நிறைவு செய்துள்ளதை முன்னிட்டு லாரன்ஸ் இந்த அறிவிப்பை வெளியிட்டுள்ளார்.

5,000 கிராமப்புறத் தாய்மார்களுக்கு இலவசப் பட்டுப்புடவை: ராகவா லாரன்ஸ்

19 Oct 2026 - 9:24 PM

குவீன்ஸ்டவுன் தொகுதி நாடாளுமன்ற உறுப்பினர் எரிக் சுவா, நிலைமையை நேரில் ஆராய்வதற்காகத் தமது வேலைத்திட்டங்களை மாற்றியமைத்துக் கொண்டு மாலை 6.10 மணியளவில் சம்பவ இடத்துக்கு விரைந்தார்.

குவீன்ஸ்டன் குடியிருப்பில் தீ; 25 பேர் வெளியேற்றம், மருத்துவமனையில் இருவர்

19 Oct 2026 - 9:09 PM

ஹில்வியூ தீபாவளி நிகழ்ச்சி மேடையில் ஏற்பாட்டாளர்கள், கலைஞர்கள் ஆகியோருடன் எரிசக்தி, வர்த்தக, தொழில்துறை; கலாசார, சமூக, இளையர்துறை மூத்த துணை அமைச்சரும் புக்கிட் கோம்பாக் அடித்தள அமைப்புகளின் ஆலோசகருமான லோ யென் லிங்.

வீட்டுக்கு அருகில் தீபாவளி ஒளியூட்டைக் கண்டுகளித்த புக்கிட் கோம்பாக்வாசிகள்

20 Oct 2026 - 6:28 AM

கட்டுமானப் பணிகளால் குடியிருப்பாளர்களுக்கும் வாகன ஓட்டுநர்களுக்கும் ஏற்படக்கூடிய சங்க டங்களைக் கூடுமானவரை குறைத்துக்கொள்ள ஏதுவாக கட்டம் கட்டமாக நடவடிக்கைகள் இடம்பெறும்.

இப்போதைய பொங்கோல் ரயில் நிலையம் திருத்தி அமைக்கப்படும்.

அந்த நிலையத்தில் வந்திறங்கும் பயணிகள், புதிய குறுக்குத் தீவு வழித்தடத்தில் அமையும் நிலையங்களுக்கும் வடக்கு-கிழக்கு வழித்தடம், இலகுரக வழித்தடம் ஆகியவற்றில் உள்ள நிலையங்களுக்கும் மாறிச் செல்ல முடியும்.

குறுக்குத் தீவு எம்ஆர்டி வழித்தடம் சிங்கப்பூரின் எட்டாவது எம்ஆர்டி வழித்தடமாகும்.

குறுக்குத் தீவு வழித்தடத்தின் முதல் கட்டம் 29 கி.மீ. நீளம் இருக்கும். அதில் 12 ரயில் நிலையங்கள் அமைந்து இருக்கும். அதற்கான கட்டுமானப் பணிகள் தொடங்கிவிட்டன. 2030ல் அவை நிறைவடையும் என்று எதிர்பார்க்கப்படுகிறது.

இரண்டாம் கட்டம் 15 கி.மீ. தொலைவுக்கு இருக்கும். இதில் ஆறு சுரங்க ரயில் நிலையங்கள் அமைந்து இருக்கும். குறுக்குத் தீவு வழித்தடத்தின் மூன்றாம் கட்டம் பற்றிய விவரங்கள் உரிய நேரத்தில் அறிவிக்கப்படும் என்று ஆணையம் தெரிவித்தது.

பொங்கோல் நீட்டிப்புத் திட்டம் 7.3 கி.மீ. தொலைவுக்கு இருக்கும். அதில் நான்கு சுரங்க நிலையங்கள் அமைந்து இருக்கும். அவற்றில் மூன்று நிலையங்கள் முனையங்களாக இருக்கும் என்று தெரி விக்கப்பட்டு உள்ளது.

இச்செய்தியைப் பகிரவும்