அதிக குடும்பங்களுக்கு உணவுப் பொருள் விநியோகம்

2 mins read

சிங்கப்பூரின் வடமேற்கு வட்டாரத்தில் உள்ள வசதி குறைந்த குடும்பங்களுக்கு உணவுப் பொருள் பரிவுப் பொட்டலங்களை விநியோகிக்கும் திட்டம் விரிவாக்கப்பட்டுள்ளது. அதிகமான குடும்பங்களுக்கு பொட்டலங்கள் கூடுதலான முறை வழங்கப்படும்.

'வீகேர்@நார்த் வெஸ்ட் சர்விஸ் வீக்ஸ்+' எனும் அந்த விரிவாக்கப்பட்ட திட்டம் நேற்று தொடங்கப்பட்டது. அதில் 50 வெள்ளி மதிப்பிலான பரிவுப் பொட்டலங்களை 7,300க்கும் அதிகமான குடும்பங்கள் பெறும்.

தற்போது ஓராண்டுக்கு ஒரு முறை வழங்கப்படும் அந்தப் பொட்டலங்கள் இனி மூன்று மாதங்களுக்கு ஒருமுறை விநியோகிக்கப்படும்.

வடமேற்கு சமூக மேம்பாட்டு மன்றம் கடந்த 2014ஆம் ஆண்டில் அந்த விநியோகத் திட்டத்தைத் தொடங்கியது. முன்னதாக அரசாங்க வாடகை வீடுகளில் வசிப்பவர்கள் மட்டும் பரிவுப் பொட்டலங்களைப் பெற்று வந்தனர்.

விரிவுபடுத்தப்பட்ட திட்டத்தின்கீழ், அந்த வட்டாரத்தில் உள்ள சமூக உதவித் திட்டங்களில் உதவி பெறும் குடியிருப்பாளர்களும் அரசாங்க வாடகை வீடுகளில் வசிக்காதவர்களும் உணவுப் பொருள் பரிவுப் பொட்டலங்களைப் பெறுவர்.

உயர்ந்துள்ள வாழ்க்கைச் செலவுகளைச் சமாளிக்க உதவும் நோக்கில் விநியோகத் திட்டம் விரிவு படுத்தப்பட்டுள்ளது.

திட்டத்தின் தொடக்கவிழா சுவா சூ காங்கில் உள்ள லிம்பாங் பூங்காவில் நேற்று நடைபெற்றது.

அதில் சிறப்பு விருந்தினராகக் கலந்துகொண்ட துணைப் பிரதமர் லாரன்ஸ் வோங், குறைந்த வருவாய் குடும்பங்களுக்கும் பாதிக்கப்படக்கூடிய நிலையில் இருப்பவர்களுக்கும் அரசாங்கம் தற்போது வழங்கும் உதவித் திட்டங்களுடன் புதிய திட்டமு நிறைவு தரும் என்று கூறினார்.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

டோட்டோ சீட்டுகளை வாங்க செவ்வாய்க்கிழமையன்று (ஜூலை 13) புளோக் 513 பீஷான் ஸ்திரீட் 13ல் உள்ள சிங்கப்பூர் பூல்ஸ் கிளைக்கு வெளியே நீண்ட வரிசையில் பலர் காத்திருந்தனர்.

டோட்டோ ஜாக்பாட்: $12.8 மில்லியன் பரிசைப் பகிர்ந்த இருவர்

14 Jul 2026 - 12:07 PM

தகுதிபெற்ற குழந்தைகளின் குழந்தை மேம்பாட்டுக் கணக்கில் செவ்வாய்க்கிழமை (ஜூலை 14) முதல் உதவித்தொகை போடப்படும்.

12 வயதும் அதற்குக் குறைந்த வயதுமுடைய சிங்கப்பூர்க் குழந்தைகளுக்கு $500 நிதியுதவி

13 Jul 2026 - 1:05 PM

ரெட்ஹில் லேனில் உள்ள புளோக் 78க்கும் ‌ஷெல் பெட்ரோல் நிலையத்திற்கும் இடையில் உள்ள நடைபாதைக்குப் பக்கத்தில் இருந்த மரத்தில் குளவிகள் கூடு கட்டியிருந்தன.

ரெட்ஹில்லில் குளவி தாக்குதல்: நால்வர் மருத்துவமனையில்

13 Jul 2026 - 5:30 PM

கண்டெடுத்த நகைக்கு ஆசைப்படாமல் அதனைத் தொலைத்தவர்களிடம் ஒப்படைத்த பெண்கள்.

கேட்பாரற்றுக் கிடந்த ஐந்து பவுன் நகையை காவல்துறையிடம் ஒப்படைத்த ஊழியர்கள்

13 Jul 2026 - 9:24 PM

பொதுமக்கள் நகைகளை வாங்குவதற்குமுன் அதன் உள்ளடக்கத்தைச் சரிபார்க்குமாறு கேட்டுக்கொள்ளப்பட்டது.

நகைகள் வாங்கும் போது கவனமாக இருக்க வேண்டுகோள்

09 Jul 2026 - 5:42 PM

பல்வேறு போக்குவரத்தை இணைக்கும் வகையில் உட்லண்ட்ஸ் கேட்வே இருக்கும் என ஜேடிசி தெரிவித்துள்ளது.

மாபெரும் திட்டங்களுடன் உருவாகும் புதிய உட்லண்ட்ஸ் கேட்வே

12 Jul 2026 - 6:29 PM

தமிழகத்தில் விவசாயத்திற்காக ஏறக்குறைய 21 லட்சம் ஆழ்துளைக் கிணறுகள் பயன்படுத்தப்படுவதாக மாநில நிலத்தடி, மேற்பரப்பு நீர்வளத் தரவு மையம் தெரிவித்துள்ளது.

தமிழகத்தில் நிலத்தடி நீர்மட்டம் பெரும் சரிவு

12 Jul 2026 - 5:39 PM

உள்ளூர்க் கலைஞர்கள் படைத்த மேடை நிகழ்ச்சியில் கிட்டத்தட்ட 500 பேர் பங்கேற்றனர்.

செவ்வானத்தில் ஒரு நட்சத்திரம்; ஜெய்சங்கர் நினைவுகளின் கொண்டாட்டம்

12 Jul 2026 - 6:00 AM

பெண்கள் இலவசப் பயணத் திட்டத்தால் தனியார் பேருந்துகளில் பயணிகள் கூட்டம் குறைந்து, வருவாய் இழப்பு ஏற்பட்டு வருவதாகத் தனியார் பேருந்து நிறுவனங்கள் கூறி வந்தன.

பெண்கள் இலவசப் பயணம்: தனியார் பேருந்து உரிமையாளர்கள் வேலை நிறுத்தம்

10 Jul 2026 - 6:23 PM

இந்திய நாட்டவர்களான அங்கப்பன் அறிவழகன் (இடது), துரைராஜ் குலோத்துங்கன் இருவரும், சுற்றுலாப் பயணிகள் சிங்கப்பூரிலிருந்து இந்தியாவிற்கு எடுத்துச் சென்ற பொருள்களை வாங்குவதற்காக அந்த நிதியைப் பயன்படுத்தினர்.

உரிமமின்றி பணம் அனுப்பியதற்காக இருவருக்குச் சிறைத்தண்டனை

03 Jul 2026 - 8:01 PM

"வீட்டுச் செலவுகளைச் சமாளிக்க, இன்னும் பல வசதி குறைந்த குடியிருப்பாளர்களுக்கு ஆண்டு முழுவதும் உணவு உதவி கிடைக்கும் என்பது மகிழ்ச்சி தருகிறது. வாழ்க்கைச் செலவுகள் அதிகரிப்பின் தாக்கத்தைக் குறைக்க இது உதவும்," என்றார் திரு வோங்.

மேலும், பரிவுப் பொட்டங்களில் உள்ள 34 பொருள்களில் 12ஐ குடியிருப்பாளர்கள் தாங்களே தேர்வு செய்துகொள்ளலாம். நேற்று தொடங்கி, 2023ஆம் ஆண்டு ஜனவரி 23ஆம் தேதி வரை, இணையத்தில் உள்ள படிவத்தை நிரப்ப வேண்டும். இந்த ஆறு வாரங்களில் வடமேற்கு வட்டாரத்தில் உள்ள பல்வேறு இடங்களில் திடீர் சந்தைகள் நடத்தப்பட்டு அவற்றில் குடியிருப்பாளர்கள் தங்களுக்குத் தேவையான பொருள்களைத் தேர்வு செய்து கொள்ளலாம்.

முன்னதாக பரிவுப் பொட்டலங்களில் 21 பொருள்கள் மட்டுமே இருந்தன. குடியிருப்பாளர்களால் அப்பொருள்களைத் தேர்வு செய்ய முடியாது.

இச்செய்தியைப் பகிரவும்