மாணவர் முரசு
இ-பேப்பர்
சிங்கப்பூரின் உற்பத்தி நவம்பரில் அதிவேகத்தில் சரிந்தது. முந்தைய ஆண்டைவிட அது, 3.2 விழுக்காடு குறைந்தது.
பொருளியல் வளர்ச்சிக் கழகம் வெளியிட்ட தரவுகள் இதனை தெரிவிக்கின்றன.
புளும்பர்க் கருத்துக் கணிப்பில் பொருளியல் நிபுணர்கள் கணத் திருந்த 1.1 விழுக்காட்டைவிட நவம் பரில் உற்பத்தி மோசமடைந்துள்ளது.
நவம்பர் மாதத்திலும் உற்பத்தி குறைந்தது. இதன் தொடர்ச்சியாக அக்டோபரில் உற்பத்தி சரிந்துள்ளது.
எப்போதுமே ஏற்ற இறக்கமாகக் காணப்படும் உயிர்மருத்துவ பொருள்களைத் தவிர ஒட்டுமொத்த உற்பத்தி ஆண்டுக்கு ஆண்டு அடிப்படையில் 4.8 விழுக்காடு சரிவைச் சந்தித்துள்ளது.
நவம்பர் மாத உற்பத்தி சரிவுக்கு மின்னணு உற்பத்தி குறைந்ததே முக்கிய காரணம்.
முந்தைய ஆண்டைவிட மின்னணு உற்பத்தி மேலும் 12.4 விழுக்காடு குறைந்தது.
சிங்கப்பூரின் ஏற்றுமதி சார்ந்த உற்பத்தியில் மின்னணு துறையின் பங்கு மட்டும் 40 விழுக்காடு. சிங்கப்பூரின் பொருளியல் வளர்ச்சிக்கு மின்னணுவியல் அந்த அளவுக்கு முக்கிய துறையாக விளங்குகிறது.
இந்த மின்னணு உற்பத்தியில் 80 விழுக்காட்டை வகிக்கும் கணினி சில்லுத் தயாரிப்பும் 14 விழுக்காடு குறைந்தது. இது, அக்டோபர் மாதத்தின் 1.2 விழுக்காடு லாபத்துக்கு பிறகு ஏற்பட்ட சரிவாகும்.
உலகில் கணினி சில்லுத் தேவையில் 11 விழுக்காட்டை சிங்கப்பூர் விநியோகித்து வருகிறது. அதாவது சில்லு தயாரிப்பு சாதனங்களில் சிங்கப்பூரின் பங்கு 20 விழுக்காடாகும்.
இதர மின்னணு, உதிரி பாகங்களின் உற்பத்தியும் 21.6% குறைந்தது. அதே சமயத்தில் தகவல்தொடர்பு, பயனீட்டாளர் மின்னணு் துறை 12.1 விழுக்காடு சரிந்தது.
ஆனால் மின்னணு துறையில் கணினி தொடர்பான சாதனங்கள், தரவு சேமிப்பு போன்றவை மட்டும் 9.3 விழுக்காடு வளர்ச்சி கண்டன.
மருந்து தயாரிப்பும் அக்டோ பரில் 29.3 விழுக்காடு குறைந்தது.
கடந்த நவம்பரில் 18.8 விழுக்காடு வளர்ச்சி கண்ட போக்குவரத்து பொறியியல் துறை, அக்டோ பரில் 6.9 விழுக்காடு மட்டுமே கூடியது.
உலகளாவிய விமானப் போக்கு வரத்து அதிகரித்ததால் அதிக பராமரிப்பு, பழுதுபார்ப்பு பணிகள் மேற்கொள்ளப்பட்டன. வேலை வாய்ப்பும் கூடியது. இதனால் விமானப் போக்குவரத்து துறை மட்டும் 26.2 விழுக்காடு வளர்ச்சி கண்டது.
கடல்துறை, கடல் சார்ந்த பொறியியல் பிரிவு அக்டோபரில் 1.8 விழுக்காடு சரிவுக்குப் பிறகு நவம்பரில் 16.6 விழுக்காடு வளர்ச்சி அடைந்தது.
சிங்கப்பூரின் எண்ணெய் உற்பத்தி நவம்பரில் 14.6% குறைந்தது. இத்துறை பிரகாசமாக இல்லை என்று ஏற்கெனவே பொருளியல் நிபுணர்கள் எச்சரித்தனர்.
துல்லிய பொறியியல் துறையின் உற்பத்தி நவம்பரில் 4.2 விழுக்காடு வளர்ச்சியைப் பதிவு செய்துள்ளது. ரசாயன உற்பத்தியும் நவம்பரில் 11.3 விழுக்காடு குறைந்தது.