மறுமேம்பாடு காணவிருக்கும் மூன்று தொடக்கக் கல்லூரிகள்

வரும் 2028ஆம் ஆண்­டில் மாண­வர்­கள் தெமா­செக் தொடக்­கக் கல்­லூ­ரிக்­குத் திரும்­பும்­போது, 1970களில் இருந்து அங்­குள்ள இரு காளான் வடிவ விரி­வுரைக்­கூ­டங்­கள் இல்­லாது போக­லாம்.

பிடோக்­கில் அமைந்­துள்ள தெமா­செக் தொடக்­கக் கல்­லூ­ரி­யில் வரும் 2024ஆம் ஆண்­டி­ல் இ­ருந்து 2027ஆம் ஆண்­டு­வரை மறு­மேம்­பாட்­டுப் பணி­க­ளுக்­குத் திட்­ட­மி­டப்­பட்­டுள்­ளது. இந்­நி­லை­யில், சமூக நிலை­யி­லும் கட்­ட­டக்­கலை நிலையிலும் குறிப்­பி­டத்­தக்க இடங்­க­ளா­கக் கரு­தப்­படும் அந்த இரு விரிவு­ரைக்­கூ­டங்­களும் அங்கு தொடர்ந்து இருக்­கும் என்று அத­னு­டன் தொடர்­பு­டைய சிலர் நம்­பிக்கை தெரி­வித்­த­தாக ஸ்ட்­ரெய்ட்ஸ் டைம்ஸ் செய்தி கூறி­யது.

இந்­நி­லை­யில், மறு­மேம்­பாடு காண­வி­ருக்­கும் மூன்று தொடக்­கக் கல்­லூ­ரி­க­ளின் வடி­வ­மைப்­பு­கள் இன்­னும் இறு­தி­செய்­யப்­ப­ட­வில்லை என்று கல்வி அமைச்­சின் பேச்­சா­ளர் தெரி­வித்­தார்.

முன்­னாள் ஆண்­டர்­சன் தொடக்­கக் கல்­லூரி வளா­க­மும் முன்­னாள் ஜூரோங் தொடக்­கக் கல்­லூரி வளா­க­மும் மற்ற இரு தொடக்­கக் கல்­லூ­ரி­கள். முன்­னாள் ஆண்­டர்­சன் தொடக்­கக் கல்­லூரி வளா­கத்­தில்­தான் இப்­போது ஆண்­டர்­சன் சிராங்­கூன் தொடக்­கக் கல்­லூரி இயங்கி வரு­கிறது. அது­போல், ஜூரோங் பைனி­யர் தொடக்­கக் கல்­லூரி, முன்­னாள் ஜூரோங் தொடக்­கக் கல்­லூரி வளா­கத்­திற்கு இட­மா­ற­வுள்­ளது.

அந்­தத் தொடக்­கக் கல்­லூரி வளா­கங்­களில் பாது­காக்­கப்­பட வேண்­டிய அம்­சங்­களை அடை­யாளம் காண்­பது தொடர்­பில் அக்­கல்வி நிலை­யங்­க­ளு­டன் கல்வி அமைச்சு அணுக்­க­மாக ஒத்­து­ழைக்­கும் என்­றும் சாத்­தி­ய­மி­ருப்­பின் அவை மறு­மேம்­பாட்­டு­டன் ஒருங்­கி­ணைக்­கப்­படும் என்­றும் அமைச்­சின் பேச்­சா­ளர் சொன்­னார்.

முன்­ன­தாக, நிலப் பயன்­பாட்­டைக் குறைப்­ப­தற்­காக அர­சுப் பள்ளி­களை உய­ர­மான கட்­ட­டங்­களில் அமைக்க கல்வி அமைச்சு திட்­ட­மிட்டு வரு­கிறது என்று கடந்த அக்­டோ­ப­ரில் ஸ்ட்­ரெய்ட்ஸ் டைம்ஸ் செய்தி வெளி­யிட்­டி­ருந்­தது.

அதா­வது, சிங்­கப்­பூ­ரின் முத­லா­வது உயர்­மாடி தொடக்­கக் கல்­லூரி­யான யுனோயா தொடக்­கக் கல்­லூ­ரியை ஒத்த வடி­வ­மைப்­பில் இந்த மூன்று தொடக்­கக் கல்­லூரி­களின் மறு­மேம்­பாடு அமை­ய­லாம்.

நேஷ­னல் தொடக்­கக் கல்­லூரிக்­குப்­பின் சிங்­கப்­பூ­ரின் இரண்­டா­வது அர­சாங்க தொடக்­கக் கல்­லூ­ரி­யான தெமா­செக் தொடக்­கக் கல்­லூரி 1977ல் நிறு­வப்­பட்­டது.

இயோ சூ காங்கில் உள்ள முன்னாள் ஆண்டர்சன் தொடக்கக் கல்லூரியின் மறுமேம்பாட்டுப் பணிகளும் 2024ல் தொடங்க இருக்கின்றன.

அங்குள்ள 'ஹேண்ட்ஸ் ஃபுல்' எனும் சிற்பம், அதன் முதல் தொகுதி மாணவர்களின் பரிசு. தொடர்பு, தகவலுக்கான முன்னாள் நாடாளுமன்றச் செயலாளர் ஹோ கா லியோங்கால் கடந்த 1987ஆம் ஆண்டு ஆகஸ்ட் 31ஆம் தேதி அச்சிற்பம் திறந்து வைக்கப்பட்டது.