நிகழ்ச்சி ஏற்பாட்டு சாதனையாளருக்கு அங்கீகாரம், விருது

மாதங்கி இளங்­கோ­வன்

சிங்­கப்­பூர் பல­துறை தொழிற்­கல்­லூ­ரி­யில் தொழில் கல்­வி­யைக் கற்ற இஸ்­மா­யில் சுஜப், 30, தன்­னு­டைய 23வது வய­தில் 'பிரி­மி­யம் ஈவென்ட்ஸ்' என்ற நிகழ்ச்சி ஏற்­பாட்டு நிறு­வ­னத்தை 2015ல் தொடங்­கி­னார்.

பல சவால்­க­ளை­யும் சமா­ளித்து விடா­மு­யற்­சி­யுடன் ஏறக்­கு­றைய 500 நிகழ்ச்­சி­க­ளுக்கு ஏற்­பாடு செய்து சாதனை படைத்­தார்.

இந்­தச் சாத­னைக்­காக அவ­ருக்கு சிங்­கப்­பூர் வணிக வர்த்­த­கச் சங்­கத்­தின் விருது கிடைத்தது. 'எஸ்­எம்இ 500' என்ற சிறிய, நடுத்­தர நிறு­வ­னங்­க­ளுக்­கான அந்த விருது வழங்­கும் விழா சென்ற மாதம் 28ஆம் தேதி நடந்­தது. சங்­கத்­தில் மூன்று ஆண்­டு­க­ளுக்கு உறுப்­பி­ன­ரா­கும் வாய்ப்­பும் இதன்­மூ­லம் திரு இஸ்­மா­யில் சுஜப்­புக்கு கிட்டியது.

படிக்­கும்போதே கலா­சார நிகழ்ச்­சி­களில் ஈடு­பாடு கொண்ட இவர், பள்­ளிக்­கூட நிகழ்ச்­சி­களுக்­கும் திட்­ட­மிட்டார்.

பிறகு நண்­பர்­க­ளின் பிறந்­த­நாள் கொண்­டாட்­டங்­கள், திரு­மணங்­கள் போன்­ற­வற்­றுக்கு திட்­ட­மிட்டு நிகழ்ச்­சி­களை ஏற்­பாடு செய்து உத­வி­னார்.

இந்த அனு­ப­வங்­க­ளைக் கொண்டு சொந்­த­மாக நிறு­வனத்­தைத் தோற்­று­வித்த அவர், கொரோனா காலத்­தில் பல சவால்­க­ளைச் சமா­ளித்து சூழ்­நி­லைக்கு ஏற்­ற­ திற­மை­களை வளர்த்­துக்கொண்டு விவே­க­மாக உழைத்­தார்.

ஒரு நிகழ்ச்­சியை வெற்­றி­க­ர­மான முறை­யில் செய்து முடிக்­கும் போது வாடிக்­கை­யா­ளர்­க­ளின் பாராட்­டைப் பெறு­கி­றேன். செய்த பணிக்கு கிடைக்­கும் ஊதி­யத்­தை­விட அந்­தப் பாராட்டு எனக்கு விவ­ரிக்க முடி­யாத உணர்­வை­யும் மன­நி­றை­வை­யும் தரு­கிறது என்று திரு இஸ்­மா­யில் சுஜப் கூறினார்.