இரவு நேரங்களில் சட்டவிரோதமாக நிறுத்தப்படும் வாகனங்கள்

வெளி­நாட்டு ஊழி­யர் தங்­கு­வி­டு­தி­கள் சில­வற்­றுக்கு அருகே இரவு நேரங்­களில் சட்­ட­வி­ரோ­த­மாக வாக­னங்­கள் நிறுத்­தப்­ப­டு­வது தெரி­ய­வந்­துள்­ளது.

உட்­லண்ட்ஸ் ரோட்­டின் நடை­பாதை, சிலேத்­தார் லிங்க், நார்த் கோஸ்ட் அவென்யூ போன்ற இடங்­களில் சென்ற மாதத் தொடக்­கத்­தில் ஒவ்­வோர் இர­வும் வாக­னங்­கள் இவ்­வாறு நிறுத்­தப்­பட்­டி­ருந்­தன.

சென்ற மாதம் முழு­வ­தும் கிராஞ்சி லாட்ஜ் 1க்கு அருகே வாக­னங்­கள் நிறுத்­தப்­பட்­ட­தைக் காண முடிந்­த­தாக சன்டே டைம்ஸ் கூறி­யது.

சில இடங்­களில் சாலை­யின் இரு­பு­ற­மும் கிட்­டத்­தட்ட 500 மீட்­டர் தொலை­விற்கு வாக­னங்­கள் நிறுத்­தப்­பட்­டி­ருந்­த­தால் பாத­சாரி­களும் சைக்­கி­ளோட்­டி­களும் சிர­மப்­ப­டு­வ­தா­கக் கூறி­யுள்­ள­னர்.

சில நேரங்­களில் பேருந்து நிறுத்­தத்­திற்கு வெகு அரு­கி­லும் இவ்­வாறு வாக­னங்­கள் நிறுத்­தப்­படு­வ­தா­கக் கூறப்­பட்­டது.

சிங்­கப்­பூ­ரில் போக்­கு­வ­ரத்­துச் சமிக்ஞை விளக்­குக் கம்­பங்­கள், நடை­பா­தை­கள், அவற்­றுக்கு அரு­கில் அமைக்­கப்­பட்­டி­ருக்­கும் புல்­வெ­ளி­கள், பேருந்து நிறுத்­தங்­கள் போன்­ற­வற்­றுக்கு அருகே வாக­னங்­களை நிறுத்­து­வது சட்­ட­விரோ­த­மா­கக் கரு­தப்­ப­டு­கிறது. இத்­த­கைய குற்­றங்­க­ளுக்கு அப­ரா­தம் விதிக்­கப்­படும்.

உட்­லண்ட்ஸ் ரோட்­டில் வாக­னங்­கள் இவ்­வாறு நிறுத்­தப்­ப­டு­வது குறித்து அறிந்­தி­ருப்­ப­தாக நிலப் போக்­கு­வ­ரத்து ஆணை­யம் கூறி­யது.

சட்­ட­வி­ரோ­த­மாக வாக­னங்­களை நிறுத்­து­வ­தைக் கடு­மை­யா­கக் கரு­து­வ­தாக அது குறிப்­பிட்­டது.

இவ்­வி­டங்­களில் கண்­கா­ணிப்­புக் கேம­ராக்­கள் பொருத்­தப்­பட்­டி­ருப்­ப­தா­க­வும் அம­லாக்க நட­வ­டிக்­கை­கள் தொட­ரும் என்­றும் அது கூறி­யது. சென்ற ஆண்­டின் முதல் 11 மாதங்­களில் சட்­ட­வி­ரோ­த­மாக வாக­னத்தை நிறுத்­தி­யது தொடர்­பில் 86,036 பேருக்கு அழைப்­பாணை விடுக்­கப்­பட்­ட­தாக ஆணை­யம் சொன்­னது.