கெப்பல் ஆஃப்ஷோர் அண்ட் மரின் நிறுவனத்தின் முன்னாள் நிர்வாகிகளுக்குக் கடும் எச்சரிக்கை

கெப்­பல் ஆஃப்ஷோர் அண்ட் மரின் (கேஓ­எம்) நிறு­வ­னத்­தின் முன்­னாள் மூத்த நிர்­வா­கி­கள் ஆறு பேருக்கு லஞ்ச ஊழல் புல­னாய்­வுப் பிரிவு கடு­மை­யான எச்­ச­ரிக்கை விடுத்­துள்­ளது.

அவர்­கள் அறு­வ­ரும் பிரே­சி­லில் தங்­கள் நிறு­வ­னச் செயல்­பா­டு­கள் தொடர்­பில் வெளி­நாட்டு ஆலோ­ச­கர்­க­ளுக்­குக் கையூட்டு தரு­வ­தற்கு கூட்­டுச் சதித் திட்­டம் தீட்­டி­யது தெரி­ய­வந்­துள்­ளது.

பிரே­சில் நாட்டு அர­சாங்­கத்­துக்­குச் சொந்­த­மான பெட்­ரோ­பி­ராஸ் நிறு­வ­னத்­துக்கு $73 மில்­லி­யனை லஞ்­ச­மா­கத் தந்து அதற்கு ஈடாக தங்­கள் நிறு­வ­னத்­துக்கு சில வர்த்­தக ஒப்­பந்­தங்­க­ளைப் பெற அவர்­கள் செயல்­பட்­ட­னர். ஊழல் தடுப்­புச் சட்­டத்­தின்­கீழ் இது குற்­ற­மா­கும்.

அமெ­ரிக்க நீதித்­துறை, பிரே­சில், சிங்­கப்­பூர் ஆகி­ய­வற்­றின் விசா­ர­ணைக்­குப் பிறகு, கேஓ­எம் நிறு­வ­னத்­துக்கு நிபந்­த­னை­யு­டன்­கூ­டிய எச்­ச­ரிக்கை விடுக்க முடி­வெ­டுக்­கப்­பட்­டது.

அதன்­கீழ், கேஓ­எம் நிறு­வ­னம் 422 டாலர் அப­ரா­தத் தொகை­யைக் கட்­டி­ய­து­டன் நிபந்­த­னை­கள் அனைத்­திற்­கும் ஒப்­புக்­கொண்­டது.

பல நாடு­கள், அவற்­றின் அதி­கா­ரி­கள் தொடர்­பு­டைய இந்த சிக்­க­லான வழக்­கில் முக்­கிய சாட்­சி­கள் வெளிநாடு­களில் இருந்­த­தை­யும் அவர்­களை சிங்­கப்­பூ­ரி­டம் ஆதா­ரங்­க­ளைச் சமர்ப்­பிக்­கும்­படி வலி­யு­றுத்த இய­லாது என்­ப­தை­யும் லஞ்ச ஊழல் புல­னாய்­வுப் பிரிவு சுட்­டி­யது.