லஞ்சம்: மூத்த பொறியாளருக்கு அபராதம்

எஸ்பிஎஸ் டிரான்சிட் நிறுவனத்தைச் சேர்ந்த மூத்த பொறியாளர் ஒருவர் அந்த நிறுவனத்திற்குச் சேவைகளை விநியோகிக்கும் ஒரு நிறுவனத்தின் உரிமையாளரிடம் இருந்து லஞ்சம் வாங்கி தன்னுடைய கடனையும் கைப்பேசிக் கட்டணத்தையும் அடைத்தார்.

லாவ் யுயன் ஃபாய், 61, என்ற அந்த அதிகாரிக்கு $3,600 அபராதம் விதிக்கப்பட்டது. $1,350 தண்டத்தொகை செலுத்தும்படியும் உத்தரவிடப்பட்டது.

இரண்டு குற்றச்சாட்டுகளின் பேரில் அவர் குற்றத்தை ஒப்புக்கொண்டார். மூன்றாவது குற்றச்சாட்டு கவனத்தில் எடுத்துக்கொள்ளப்பட்டது.

அவர் 2019, 2021ஆம் ஆண்டுகளில் பணம் பெற்றதாகத் தெரிவிக்கப்பட்டது.