வசதி குறைந்தோரை மகிழ்விக்கும் ஜாமியா செயல்திட்டம்; புத்தாண்டு உதவிக்கரம்

ஆ. விஷ்ணு வர்­தினி

சீனப் புத்­தாண்டை வர­வேற்­ப­தற்கு ஏற்ற இல்­ல­ வ­ச­தி­களை அமைத்து தந்து, வசதி குறைந்த 86 வயது திரு சியூ சியோ யின்னுக்கு கைகொ­டுக்க முனைந்­துள்­ளது, ஜாமியாவின் 'புரோ­ஜெக்ட் ஹேப்­பி­னஸ்' செயல்திட்டம்.

தாருல் இஸ்லா எனப்­படும் ஜாமியா மறு­வாழ்வு இல்­லத்­தின் குடி­யி­ருப்­பா­ளர்­களும் முன்­னாள் 'இஸ்­லா­கேர்' திட்ட உறுப்­பி­னர்­களும் (IslahCare Alumni) தனி­யாக வாழும் திரு சியூ­வின் ஈரறை இல்­லத்­துக்­குச் சென்று, ஜன­வரி 18ஆம் தேதி­யி­லி­ருந்து 20ஆம் தேதி வரை புத்­தொளி கூட்டி, களையை ஏற்­ப­டுத்­தி­னர்.

திரு சியூ தனது வீட்­டுக்­கென ஆசைப்­பட்ட ஒற்­றைப் படுக்கை, கூரை விளக்­கு­ட­னான மின்­விசிறி, கூரை விளக்­கு­கள், புதிய சோபா முத­லிய அறை­க­லன்­களைப் பொருத்தி ஜாமியா மறு­வாழ்வு இல்­ல­வா­சி­கள் உத­வி­னர்.

அதோடு, அவ­ரின் வீட்­டுக்­குச் சாயம் பூச­வும் சுத்­தப்­ப­டுத்தி செப்­ப­னி­ட­வும் அவர்­கள் அய­ராது உதவிக்கரம் நீட்டினர்.

புதுப்­பிக்­கப்­பட்டு புதுப் பொலிவு பெற்­றுள்ள திரு சியூ­வின் இல்லத்தை அவ­ரி­டமே ஒப்­படைக்க, நாடா­ளு­மன்ற உறுப்­பி­னர் டின் பெய் லிங் நேற்று வருகை புரிந்­தி­ருந்­தார்.

தாருல் இஸ்லா குழு­வி­னர், சீனப் புத்­தாண்­டு மட்­டு­மன்றி நோன்­புப் பெரு­நாள், தீபாவளி, கிறிஸ்­து­மஸ் என பல்­வேறு பண்­டி­கை­க­ளின் போதும் வசதி குறைந்­தோர் விழாக்­கா­லத்தை இன்­ப­மாக கொண்­டா­டு­வ­தற்கு ஆத­ர­வ­ளிக்­கின்­ற­னர்.

கடந்த நான்­காண்­டு­க­ளாக அம­லாக்­கம் கண்டு வந்­துள்ள 'புரோ­ஜெக்ட் ஹேப்­பி­னஸ்' திட்­டம், வசதி குறைந்­தோரை அவர்­களது தேவை­க­ளின் அடிப்­ப­டை­யில் தேர்ந்­தெ­டுக்­கிறது.

விழாக்­கா­லத்தை முன்­னிட்டு, அவர்­கள் தத்­தம் இல்­லங்­க­ளுக்­காக ஆசைப்­ப­டு­ப­வற்றைப் பூர்த்தி செய்து அந்­தக் குழு உதவி வரு­கின்­றது.

இதன் மூ­லம், வசதி குறைந்­தோர் மன­நி­றை­வு­டன் விழாக்­களைக் கொண்­டா­டு­வ­தற்கு அது வழி செய்­கிறது.