மாணவர் முரசு
இ-பேப்பர்
இணைய வர்த்தகத்தை மேம்படுத்துவது, அதற்கான வசதிகளை ஏற்படுத்தித் தருவது ஆகியவை தொடர்பான அனைத்துலக விதிமுறைகளை உருவாக்கும் முயற்சியில் பல நாடுகள் ஈடுபட்டு இருக்கின்றன.
அந்த நாடுகள், டாவோஸ் நகரில் நடக்கும் உலகப் பொருளியல் அரங்கம் அமைப்பையொட்டி வெள்ளிக்கிழமை சந்தித்தன.
பேச்சுவார்த்தைகளை முடித்து இந்த ஆண்டு இறுதிக்குள் ஓர் உடன்பாட்டுக்குள் வரவேண்டும் என்று அவை இலக்கு நிர்ணயித்து இருக்கின்றன.
இதன் தொடர்பில் உலக வர்த்தக நிறுவனத்தின் 22 உறுப்பு நாடுகளும் இணைய வர்த்தகம் பற்றிய கூட்டறிக்கையை வெளியிட்டன.
அந்த நாடுகள் டாவோஸில் சந்தித்துப் பேசின. உலகளவில் மின்னிலக்கப் பொருளியலைக் கட்டுப்படுத்தும் அடிப்படை விதிகளை ஏற்படுத்த வேண்டும் என்று அந்த நாடுகள் உறுதி கூறின.
சிங்கப்பூர் அந்த முயற்சியை ஆஸ்திரேலியா, ஜப்பான் நாடுகளுடன் சேர்ந்து 2017ல் தொடங்கியது. பேச்சுவார்த்தைகளில் உலக வர்த்தக நிறுவனத்தின் 87 உறுப்பினர்கள் கலந்துகொள்கிறார்கள்.