மாணவர் முரசு
இ-பேப்பர்
சிங்கப்பூரின் வடிவமைப்பு முகவையான சிங்கப்பூர் வடிவமைப்பு மன்றம் (டிஎஸ்ஜி) பொருளியல் வளர்ச்சிக் கழகத்தின் துணை அமைப்பு.
வர்த்தகங்களை வளர்க்க, புத்தாக்கத்தை வழிநடத்த, வாழ்க்கையை மேம்படுத்த என எல்லா அம்சங்களிலும் வடி
வமைப்பைப் பயன்படுத்தும் நோக்கம் கொண்டது இந்த அமைப்பு.
பொருளியல் வளர்ச்சிக் கழகத்தில் பத்தாண்டுகளுக்கு மேல் பணியாற்றிய திருவாட்டி டாவ்ன் லிம் (படம்), கடந்த ஜூன் மாதம் சிங்கப்பூர் வடிவமைப்பு மன்றத்தில் இணைந்தார்.
அந்த அமைப்பின் நிர்வாக இயக்குநராக பதவி ஏற்ற அவர், அண்மையில் முதன்முறையாக 'ஸ்ட்ரெய்ட்ஸ் டைம்ஸ்' செய்தித்தாளிடம் பேசியபோது, "உலகை மாற்றியமைக்கும் வல்லமைபெற்ற நீடித்த நிலைத்தன்மை, தொழில்நுட்பம் போன்றவற்றின் வடிவமைப்புப் பாதையில் சிங்கப்பூரை நிலைநிறுத்த வேண்டியது அவசியம்," என்றார்.
"சிங்கப்பூருக்கென தனித்துவ வடிவமைப்புத் திறன் உள்ளது. உலகளவிலான நமது தலைமைத்துவத்தை அதன்மூலம் உருவாக்கி வருகிறோம்.
"குறிப்பாக, தாக்கத்தை ஏற்
படுத்தக்கூடிய வடிவமைப்பு மற்றும் நீடித்து நிலைக்கக்கூடிய கட்டட வடிவமைப்புக் கலையில் நமது பங்கு உண்டு. அதனால், நியூயார்க், லண்டன், கோபன்ஹேகன் போன்ற வடிவமைப்பில் சிறந்த நகரங்களுடன் சிங்கப்பூரை வரிசைப்படுத்த விரும்புகிறோம்," என்று கூறிய திருவாட்டி லிம், உள்ளூர் வடிவமைப்புத் திறனாளர்களை உருவாக்குவதில் ஆர்வமாக உள்ளார்.