மரினா பே சேண்ட்ஸில் சாதனை அளவு வருவாய்

சுற்றுப்பயணத்துறை மீண்டெழும் சூழலில் மரினா பே சேண்ட்ஸில் சூதாட்டம், சில்லறை விற்பனை மூலம் 2022ன் நான்காம் காலாண்டில் சாதனை அளவில் வருவாய் பதிவானது. ஆண்டு அடிப்படையில் மரினா பே சேண்ட்ஸின் நிகர வருவாய் இருமடங்கானது. 2021ன் நான்காம் காலாண்டில் $368 மி. அமெரிக்க டாலர் நிகர வருவாய் பதிவானது. 2022ன் நான்காம் காலாண்டில்

$682 மி. அமெரிக்க டாலர் (S$895 மி.) நிகர வருவாய் பதிவானது. மரினா பே சேண்ட்ஸின் ஹோட்டல் அறைகள் கடந்த ஆண்டின் இறுதிக் காலாண்டில் 98.3% நிரப்பப்பட்டன. 2021ல் 79.1% அறைகள் மட்டுமே நிரப்பப்பட்டன. இத்துடன் ஓர் அறைக்கான சராசரி ஒருநாள் கட்டணம் 2021ல் $259 அமெரிக்க டாலராக இருந்து 2022ல் $550 மில்லியனாக அதிகரித்தது.லாஸ் வேகஸ் சேண்ட்ஸின் கீழ் இயங்கி வரும் பெரும்பாலான மக்காவ் சூதாட்டக் கூடங்கள் நெருக்குதலுக்கு உள்ளாகி இருக்கும் நிலையில் அதே குழுமத்தின் மரினா பே சேண்ட்ஸ் சாதித்துள்ளது.