ரயில், பேருந்து பயன்பாடு கூடியது

ஈராண்டு கொவிட்-19 கட்­டுப்­பா­டு­ க­ளுக்­குப் பிறகு அதி­க­மா­னோர் மீண்­டும் வேலைக்­கும் வெளி­யி­லும் செல்­லத் தொடங்­கிய நிலை­யில், சென்ற ஆண்டு பொதுப் போக்கு­வ­ரத்­தைப் பயன்படுத்­தி­யோ­ரின் எண்­ணிக்கை தொடர்ந்து மீட்சி அடைந்து வந்தது.

சென்ற ஆண்டு சரா­ச­ரி­யாக அன்­றா­டம் 6.39 மில்­லி­யன் ரயில், பேருந்து பய­ணங்­கள் மேற்­கொள்­ளப்­பட்­டன. இது 2021ஐ காட்­டி­லும் 21 விழுக்­காடு அதி­கம்.

2019ல் பொதுப் போக்­கு­வரத்துப் பயன்­பாடு அதன் உச்­சத்தை அடைந்­தது. அதில் 83 விழுக்­காடு சென்ற ஆண்டு எட்­டப்­பட்­ட­தாக நிலப் போக்­கு­வ­ரத்து ஆணை­யம் நேற்று கூறி­யது.

எம்­ஆர்டி, எல்­ஆர்டி ரயில் பய­ணங்­கள் கடந்தாண்டு 30 விழுக்­காடு கூடின. அவற்­றில் சரா­ச­ரி­யாக அன்­றா­டம் 2.929 மில்­லி­யன் பய­ணங்­கள் மேற்­கொள்­ளப்­பட்­டன. பேருந்­துப் பய­ணங்­க­ளின் எண்­ணிக்கை 15 விழுக்­காடு உயர்ந்து, அன்­றாட சரா­சரி 3.461 மில்­லி­யன் ஆனது. ஒப்­பு­நோக்க 2021ல் போக்­கு­வ­ரத்­துப் பய­ணங்­க­ளின் மீட்­சி­யில் பேருந்­துப் பய­ணங்­கள் முன்­னிலை வகித்­தன.

தாம்­சன்-ஈஸ்ட் கோஸ்ட் ரயில் பாதை­யின் இரண்­டாம், மூன்­றாம் கட்­டங்­கள் செயல்­ப­டத் தொடங்­கி­ய­தால் ரயில் பயன்­பாடு கூடி­இருக்­க­லாம் என்று கவ­னிப்­ பாளர்­கள் கூறி­னர். இப்­போக்கு வரும் ஆண்­டு­களில் தொட­ரும் என்று கரு­தப்­ப­டு­கிறது.

இந்­நி­லை­யில், தனி­யார் வாடகை கார் பய­ணங்­க­ளின் தின­சரி எண்­ணிக்கை எட்டு விழுக்­காடு கூடி 347,000 ஆனது. டாக்சி பய­ணங்­கள் ஒரு விழுக்­காடு உயர்ந்து 235,000 ஆகின. கட்­ட­ணங்­கள் உயர்த்­தப்­பட்­ட­தால் இத்­த­கைய பய­ணங்­க­ளுக்­கான தேவை குறைந்­தி­ருக்­க­லாம்.

அத்துறை­யில் ஓட்­டு­நர் பற்றாக்­குறை இருப்பதை மூத்­த போக்­கு­வ­ரத்து துணை அமைச்­சர் ஏமி கோர் சுட்­டி­னார். கிராப் நிறு­வ­னத்தின் சீனப் புத்­தாண்டு விருந்­தில் பேசிய அவர், 2022ல் 57,000 வாட­கை கார் ஓட்­டு­நர்­களும் 2021ல் 59,000 ஓட்டுநர்­களும் பணி­யாற்­றி­னர் என்றார்.