கிச்சனர் ரோடு அடுக்குமாடி வீட்டில் தீ

கிச்­ச­னர் ரோட்­டில் உள்ள அடுக்­கு­மாடி வீட்­டில் நேற்­றுக் காலை தீ மூண்­டது.

புளோக் 2ன் 13வது மாடி வீட்­டில் மூண்ட தீயி­னால் பாதிக்­கப்­பட்ட எழு­வர் மருத்­து­வ­மனைக்­குக் கொண்­டு­செல்­லப்­பட்­ட­னர்,

நேற்று முற்­ப­கல் 11 மணி­ய­ள­வில், சிங்­கப்­பூர் குடி­மைத் தற்­காப்­புப் படை­யி­னர் தீயை அணைக்­கும் பணி­யில் ஈடு­பட்­டி­ருந்­த­தா­க­வும் பாதிக்­கப்­பட்ட குடி­யி­ருப்­பா­ளர்­கள் அடுக்­கு­மா­டிக் குடி­யி­ருப்­பின்கீழ் கூடி­ இருந்­த­தைக் காண முடிந்­த­தா­க­வும் ஸ்ட்­ரெய்ட்ஸ் டைம்ஸ் கூறி­யது.

திரு­வாட்டி ஹபி அமா­னின் 84 வய­துத் தாயார், தீ மூண்ட தளத்­தில் வசிக்­கி­றார். தீ மூண்­டது தனது தாயா­ரின் வீட்­டிலோ என்ற அச்­சத்­து­டன் 12 மாடி­களை விரைந்து ஏறி­ய­தா­கக் கூறி­னார் 61 வய­தா­கும் அவர்.

காவல்­து­றை­யி­னர், குடி­யி­ருப்­பா­ளர்­களை அங்­கி­ருந்து வெளி­யே­றும்­படி அறி­வு­றுத்­தி­ய­தா­க­வும் தனது தாயார் கீழே இறங்க உத­வி­ய­தா­க­வும் திரு­வாட்டி ஹபி கூறி­னார்.

மற்­றொரு குடி­யி­ருப்­பா­ள­ரான 58 வயது நூர்ஜஹான், பக்­கத்து வீட்­டி­னர் தீ பற்­றிக் கூறி­ய­தும் தனது நான்கு வய­துப் பேரன், மகள் இரு­வ­ரு­டன் விரைந்து வெளி­யே­றி­ய­தா­கக் குறிப்­பிட்­டார். தீயைக் காண அச்­ச­மாக இருந்­த­தா­க­வும் மூச்சுவிட சிர­மப்­பட்­ட­தா­க­வும் அவர் கூறி­னார்.

மூன்று, நான்­கு­முறை பலத்த சத்­தம் கேட்­ட­தா­கக் கூறிய 64 வயது ஃபரூக் சம்­சு­தீன், "வீட்­டுக் கத­வைத் திறந்து பார்த்­த­போது மக்­கள் ஓடிக்­கொண்­டி­ருந்­த­னர். கடு­மை­யான வாடை வீசி­யது," என்­றார்.

ஜாலான் புசார் குழுத் தொகுதி நாடா­ளு­மன்ற உறுப்­பி­னர் டெனிஸ் புவா, குடி­யி­ருப்­பா­ளர்­க­ளைச் சந்­திக்­கச் சென்றார்.

அவர்­க­ளுக்கு தண்­ணீர் போத்­தல்­கள், சிற்­றுண்­டி­கள் ஆகி­ய­வற்­றை­யும் அவர் விநியோ­கித்­தார். நேற்­றுப் பிற்­ப­கல் 12.30 மணி­ய­ள­வில், தீ கட்­டுப்­ப­டுத்­தப்­பட்­ட­தாக அவர் குடி­யி­ருப்­பா­ளர்­க­ளி­டம் தெரி­வித்­தார். குடி­யி­ருப்­பா­ளர்­கள் ஓய்­வெ­டுக்க ஜாலான் புசார் சமூக மன்ற அரங்­கம் திறந்­து­வி­டப்­பட்டு, மதிய உண­வும் வழங்­கப்­பட்­டது.