புத்தாக்க முதலீடுகளுக்கு அதிக வரிக்கழிவு

சிங்­கப்­பூ­ரில் ஆய்வு, உரு­வாக்­கம் போன்ற புத்­தாக்­கத்­தில் முத­லீடு செய்­யும் நிறு­வ­னங்­க­ளுக்கு அதிக வரிக்­க­ழி­வு­கள் கிடைக்­கும். நிறு­வ­னங்­கள் புத்­தாக்க முயற்­சி­களில் அதிக கவ­னம் செலுத்த ஊக்­கு­விக்க இது இடம்­பெ­று­கிறது. சிறி­த­ளவு வரி செலுத்­து­கின்ற அல்­லது வரியே செலுத்­தாத சிறிய நிறு­வ­னங் களுக்கு ஒரு விருப்ப உரிமை கிடைக்க இருக்­கிறது.

சிறிய நிறு­வ­னங்­கள், வரி விதிப்­புக்கு உள்­ளா­காத ரொக்க விநி­யோ­கத்­தைப் பெற விரும்­பி­னால் ஏற்­றுக்­கொள்­ள­லாம்.

துணைப் பிர­த­ம­ரும் நிதி அமைச்­ச­ரு­மான லாரன்ஸ் வோங் நேற்று நாடா­ளு­மன்­றத்­தில் 2023 வரவு செல­வுத்­திட்­டத்­தைத் தாக்­கல் செய்­தார்.

'நிறு­வன புத்­தாக்­கத் திட்­டம்' என்ற ஒரு திட்­டம் பற்றி அவர் அறி­வித்­தார். அந்­தத் திட்­டத்­தின்­படி இவை எல்­லாம் கிடைக்க இருக்­கின்­றன.

நாடு முழு­வ­துமே புத்­தாக்­கத்­தைப் பேணி வளர்த்து அதைக் கட்­டிக்­காக்க வேண்­டிய தேவை இருப்­ப­தாக துணைப் பிர­த­மர் குறிப்­பிட்­டார்.

இருந்­தா­லும் பொரு­ளி­யல் வளர்ச்சி மெது­வாக இருக்­கிறது, செலவு கூடி­விட்­டது. இந்­தச் சூழ­லில் புத்­தாக்க முயற்­சி­கள் நிறு­வ­னங்­க­ளுக்­குச் சிரமமான­தாக இருக்­கக்­கூ­டும் என்­றார் திரு வோங்.

நிறு­வ­னங்­கள், இப்­போது புத்­தாக்­கம் தொடர்­பான நான்கு வகை செயல்­திட்­டங்­க­ளின் பேரில் 250%வரை வரிக் கழிவு ­க­ளைப் பெறு­கின்­றன.

இந்­தக் கழி­வு­கள் அந்த நான்கு வகை செயல்­திட்­டங்­கள் ஒவ்­வொன்­றுக்­கும் 400 விழுக்­காடு வரை அதி­க­ரிக்­கப்­படும்.

அதோடு, புதி­தாக மேலும் ஒரு செயல்­திட்­ட­மும் சேர்க்­கப்­பட்­டுள்­ளது. அதா­வது ஆய்வு உரு­வாக்­கத்­தில் $1,000 தொகை­யை­யும் அறி­வுசார்­ சொத்துப் பதி­வின் பேரில் $1,000 தொகை­யை­யும் செல­வி­டும் நிறு­வ­னம், தனது வரி விதிக்­கத்­தக்க வரு­வா­யில் மொத்­தம் $8,000 வரை கழித்­துக்­கொள்­ள­லாம்.

இந்­தப் புதிய திட்­டம் மூலம் நிறு­வ­னங்­கள் தாங்­கள் செய்­யும் புத்­தாக்க முத­லீ­டு­களை 70% வரை மிச்­சப்­ப­டுத்­த­லாம் என்று துணைப் பிர­த­மர் விளக்­கி­ன­ரார்.

இனி­மேல்­தான் லாபம் பார்க்­க­வேண்­டிய, சிறி­த­ளவு வரி செலுத்­து­கின்ற, அல்­லது வரியே செலுத்­தாத புதிய நிறு­வ­னங்­கள், சிறிய, நடுத்­தர நிறு­வ­னங்­கள், இதர நிறு­வ­னங்­கள், புதிய ரொக்க மாற்­றுத் திட்­டம் மூலம் பயன் அடை­ய­லாம்.

அதா­வது இத்­த­கைய நிறு­வ­னங்­கள் ஐந்து வகை செயல்­திட்­டங்­களில் செய்­துள்ள மொத்த செல­வி­னங்­களில் 20% அளவை, கூடி­ய­பட்­ச­மாக $20,000 வரை பண­மாக்­கிக்­கொள்­ள­லாம். அதா­வது $100,000 வரைப்­பட்ட செல­வி­னத்தை மிச்­சப்­ப­டுத்­த­லாம்.

இவை ஒரு­பு­றம் இருக்க, உள்­ளூர் நிறு­வ­னங்­கள் உலக அள­வில் போட்­டித்­தி­ற­னு­டன் திகழ உத­வு­வ­தற்­கான முயற்­சி­கள் தொட­ரும்.

'சிறிய, நடுத்­தர நிறு­வ­னங்­கள் இணை முத­லீட்டு நிதி' என்ற ஒரு நிதி மூல­மாக கூடு­த­லாக $150 மில்­லி­யன் ஒதுக்­கப்­பட்டு அந்­தத் தொகை நம்­பிக்கை தரும் நிறு­வ­னங்­களில் முத­லி­டப்­படும்.

சென்ற ஆண்­டில் அறி­மு­க­மான சிங்­கப்­பூர் குளோ­பல் என்­டர்­பி­ரை­சஸ் திட்­டத்­திற்கு மேலும் $1 பில்­லி­யன் ஒதுக்­கப்­படும் என்­றும் அறி­விக்­கப்­பட்­டுள்­ளது.