அதிக கடைகளுடன் கம்போங் கிளாம் சந்தை; ஒரு மாத காலத்துக்கும் மேல் இடம்பெறும்

கரு­ணா­நிதி துர்கா

கம்­போங் கிளா­மில் இந்த ஆண்டு பெரிய அள­வில் ரமலான் சந்தை ஏற்பாடு செய்யப்பட்டுள்ளது.

மார்ச் 15ஆம் தேதி முதல் ஏப்­ரல் 16ஆம் தேதி வரை 33 நாள்­களுக்கு நடை­பெ­ற­வுள்ள ரம­லான் மாத சந்தை, நிகழ்ச்சிகள், அதி­க­மானோர் பங்­கேற்­கும் நோன்பு துறப்பு ஆகியவை ஏற்­பாடு செய்­யப்­பட்டுள்ளன.

மஸ்­கட் தெரு, கந்­த­ஹார் தெரு, பாக்­தாத் தெரு, பஹாங் தெரு, சுல்­தான் கேட், அலி­வால் ஸ்தி­ரீட் கோச் பார்க், சுல்­தான் பள்­ளி­வா­சல் பகு­தி­களை ஒட்­டிய கம்­போங் கிளாம் பகு­தி­யின் ஏழு இடங்­களில் இந்த சந்தை அமைகிறது.

160க்கும் மேற்­பட்ட கடை­கள் இடம்­பெ­ற­வுள்ள சந்­தை­யில் கூடு­த­லான இந்­திய விற்­ப­னை­யா­ளர்­கள் இருப்­பர் என்று கொண்­டாட்­டத்தை ஏற்­பாடு செய்­யும் 'ஒன் கம்­போங் கிளாம்' தொண்­டூ­ழிய அமைப்பு தெரி­வித்­தது.

ஈராண்­டு­க­ளுக்­குப் பிறகு கொவிட்-19 கட்­டுப்­பா­டு­கள் நீங்கி இடம்­பெ­றும் முதல் ரமலான் சந்தை என்ப­தால், 550,000க்கும் மேற்­பட்­ட வாடிக்கையாளர்களை எதிர்­பார்ப்­பதாகக் கூறி­னார் ஒன் கம்­போங் கிளாமி'ன் தலை­வர் திரு முக­மது ஸக்கி மரூஃப்.

பல்­வேறு உண­வுக் கடை­க­ளு­டன், அங்கே உட்­கார்ந்து சாப்­பிட வச­தி­யாக ஈர­டுக்குக் கடை­கள் அமைக்­கப்­பட்­டுள்­ளன. குளி­ரூட்டி வச­தி­க­ளு­ட­னும் சில கடை­கள் அமைக்­கப்­ப­டு­கின்­றன.

இந்த வட்­டா­ரத்­தின் பாரம்­ப­ரி­யச் சிறப்­பு­களை எடுத்­துக் கூறும் ஒளிக்­காட்­சி­கள், கலைப்­படைப்புகள், நிகழ்ச்சி­க­ளோடு பல நிகழ்ச்­சி­களும் இங்கு ஏற்­பாடு செய்­யப்­பட்­டுள்­ளன.

வசதி குறைந்­தோ­ருக்கு உதவ கடைசி 10 நாள்­கள் நன்­கொடை திரட்டு நிகழ்ச்சி இடம்­பெ­ற­வுள்­ளது.

சுல்­தான் பள்­ளி­வா­ச­லுக்­கும் சமூக உண்­டி­ய­லுக்­கும் நிதி திரட்­டும் முயற்­சி­களில் ஒன்­றாகவும் சமூக ஒன்றுகூடலாகவும் இது­வரை இல்­லாத அள­வுக்கு 1,000க்கும் அதி­க­மா­னோர் பங்கேற்­கும் மிகப்­பெ­ரிய நோன்பு துறப்பு நிகழ்வு அரப் ஸ்திரீட்டில் ஏப்­ரல் 1ஆம் தேதி­யன்று ஏற்பாடு செய்யப்பட்டுள்ளது.

ரமலான் மாதத்தை ஒட்டி கேலாங் சிரா­யில் 700 கடை­களுடன் மிகப் பெரிய அள­வில் ஏற்பாடு செய்யப்பட்டுள்ள ரமலான் சந்தை மார்ச் 17ஆம் தேதி தொடங்­கு­கிறது. ஏப்ரல் 22ஆம் தேதி நோன்புப் பெருநாள் கொண்டாடப்படுகிறது.

dhurga@sph.com.sg