வெளிச்சம் கூடிய வீதிகள்

ஆரஞ்சு விளக்கை வெண்மை விளக்காக மாற்றும் ஆணையத்தின் திட்டம் நிறைவு

நிலப் போக்­கு­வ­ரத்து ஆணை­யம் வழி­வ­ழி­யாக இருந்து வரும் ஆரஞ்சு வெளிச்ச வீதி விளக்கு­களுக்­குப் பதி­லாக அதிக வெளிச்சம் தரக்­கூ­டிய வெண்மை நிற (எல்­இடி) விளக்­கு­க­ளைப் பொருத்­தும் ஓராண்­டு­கால செயல்­திட்­டத்தை அண்­மை­யில் நிறைவு செய்தது.

தீவு முழு­வ­தும் இப்­போது 110,000க்கும் மேற்­பட்ட வீதி விளக்­கு­களை இந்த ஆணை­யம் நிர்­வ­கிக்­கிறது. அந்த விளக்­கு­களில் கிட்­டத்­தட்ட 99 விழுக்­காட்டு விளக்­கு­கள் புதிய, மின்­சா­ரத்தை சிக்­க­ன­மா­கப் பயன்­படுத்­தக்­கூ­டிய அதிக வெளிச்­சம் தரக்­கூ­டிய விளக்­கு­க­ளாக மாற்­றப்­பட்டு இருக்­கின்­றன.

சாலை­கள் கட்­டப்­பட்டு வரு­வ­தால் சில ஆரஞ்சு வெளிச்ச விளக்­கு­களை இன்ன­மும் மாற்ற வேண்டி இருக்­கிறது என்று ஆணை­யம் தெரி­வித்­த­தாக ஸ்ட்­ரெய்ட்ஸ் டைம்ஸ் குறிப்­பிட்டு உள்­ளது. வெண்மை விளக்கு மாற்றுத் திட்­டம் 2014ல் தொடங்­கி­யது. அந்­தத் திட்­டம் நிறை­வடைந்து இருக்­கிறது.

என்­றா­லும் ஆணை­யம் தொடர்ந்து புதிய விளக்கு­களுக்குப் பொறுப்­பேற்­ப­தால் இந்த வீதி விளக்கு மேம்­பாட்­டுச் செயல்­திட்­டம் தொடர்ந்து இடம்­பெ­றுமெனத் தெரி­விக்­கப்­பட்டது.

எல்­இடி விளக்­குக்கு மாறி இருப்­ப­தால் 25 மில்­லி­ய­னுக்­கும் மேற்­பட்ட கிலோ­வாட் மணி மின்­சா­ரம் மிச்­ச­மா­க வழி பிறந்­தி­ருக்­கிறது என்றது ஆணை­யம்.

இந்த அளவு, ஓராண்டு காலத்­திற்கு கிட்­டத்­தட்ட 6,000 நாலறை வீடு­க­ளுக்­குத் தேவை­யான மின்­சா­ரத்­திற்கு ஒப்­பா­னது. ஆண்டு ஒன்­றுக்கு சுமார் $5 மில்­லி­ய­னில் இருந்து $7.5 மில்­லி­யன் வரை மின் கட்­ட­ணம் மிச்­ச­மா­கிறது.

வீதி விளக்­கு­க­ளைப் பொறுத்­த­வரை ஆண்­டு­தோ­றும் பயன்­ப­டுத்­தப்­படும் மின்­சா­ரத்­தின் அளவு இப்­போது சுமார் 78 மில்­லி­யன் கிலோ­வாட் மணி­யாக உள்ளது. இந்த அளவு ஐந்து ஆண்டு­களுக்கு முன் 105 மில்­லி­யன் கிலோ­வாட் மணி­யாக இருந்­தது.

வழக்­க­மான விளக்­கு­க­ளை­விட எல்­இடி விளக்­கு­கள் 25% குறை­வான மின்­சா­ரத்­தைப் பயன்­ப­டுத்­து­ம். எல்­இடி விளக்கு­கள் பிர­கா­ச­மா­க­வும் ஒளி­ரும் என்று ஆணை­யம் ஏற்­கெ­னவே தெரி­வித்­தது.

எல்­இடி விளக்­கு­களை 2010 முதல் ஆணை­யம் பரி­சோ­தித்துப் பார்த்­தது. எல்­இடி விளக்­கு­க­ளைப் பரா­ம­ரிக்க வேண்­டிய தேவை­யும் குறைவு என்பது தெரி­ய­வந்­தது.

ஆரஞ்சு நிறத்­தில் ஒளி­ரும் விளக்­கு­கள் மூன்­றாண்டு காலம் உழைக்­கும்.

ஆனால், எல்­இடி விளக்­கு­கள் சரா­ச­ரி­யாக 10 ஆண்டு காலம் ஒளி கொடுக்­கக்­கூ­டி­யவை.

லிட்­டில் இந்­தி­யா­வின் தேக்கா லேன், நார்த்­தம்­பர்­லேண்ட் ரோடு ஆகி­ய­வற்­றில் எல்­இடி விளக்­கு­களை ஆணை­யம் பரி­சோ­திக்­கத் தொடங்­கி­யது.

பிறகு 2014ல் இரண்டு நிறு­வ­னங்­க­ளுக்கு அது $17.6 மில்­லி­யன் குத்­த­கையை ஆணை­யம் அளித்­தது.

அதன்­படி 2018ஆம் ஆண்டு வாக்­கில் 4,000 விளக்கு­கள் எல்இடி விளக்­கு­க­ளாக மாற்­றப்­பட்­டன.

பிறகு மத்­திய சிங்­கப்­பூ­ரில் 2019ல் மேலும் 25,000 விளக்­கு­கள் $76.3 மில்­லி­யன் செல­வில் எல்­இடி விளக்­கு­க­ளாக மாற்­றப்­பட்­ட­தாக ஆணை­யம் கூறியது.

இதர இடங்­களில் ஒளி­ரும் ஆரஞ்சு விளக்­கு­க­ள் 2022ல் எல்­இடி விளக்­கு­களாக மாறும் என்று ஆணை­யம் அப்போது தெரி­வித்து இருந்தது.