இவ்வாண்டுக்கான வளர்ச்சி முன்னுரைப்பு சற்று உயர்வு

பொருளியல் 1.9 விழுக்காடு வளரும் என்று நிபுணர்கள் கணிப்பு

சிங்­கப்­பூ­ரின் இவ்­வாண்­டுக்­கான பொரு­ளி­யல் வளர்ச்சி முன்­னு­ரைப்பை தனி­யார் துறை பொரு­ளி­யல் நிபு­ணர்­கள் சற்று உயர்த்தி உள்­ள­னர்.

அதே­போல அடுத்த ஆண்­டுக்­கான வளர்ச்சியில் வேகம் காணப்­படு வதால் அந்த ஆண்­டில் 2.5 விழுக்­காடு உய­ரக்­கூ­டும் என்­றும் அவர்­கள் கணித்­தி­ருப்­ப­தாக சிங்­கப்­பூர் நாணய ஆணை­யம் தனது ஆய்­வ­றிக்­கை­யில் குறிப்­பிட்டு உள்­ளது.

ஆணை­யம் நடத்­திய காலாண்டு ஆய்­வில் பங்­கேற்று கருத்­துக் கூறிய 21 பொரு­ளி­யல் நிபு­ணர்­களில் பெரும்­பா­லா­ன­வர்­கள் சீனா­வின் வளர்ச்சி வேக­மெ­டுக்­கும் என்று நம்­பு­கின்­ற­னர்.

கொள்கை தளர்வு மற்­றும் பொரு­ளி­யல் மீட்பு நட­வ­டிக்­கை­களும் அந்த வேகத்­திற்­குக் கார­ணம் என்­றும் கூறும் அவர்­கள் சீனா­வின் வளர்ச்­சி­யோடு எதிர்­பார்க்­கப்­பட்­ட­தைக் காட்­டி­லும் சிறந்த உலக வளர்ச்­சி­யும் வேக­மாக மீட்சி கண்டு வரும் தொழில்­நுட்­பத் துறை­யும் சிங்­கப்­பூ­ரின் வளர்ச்­சியை ஊக்­கு­விக்­கும் என்­ற­னர்.

பிப்­ர­வரி மாதம் நடத்­தப்­பட்ட அந்த ஆய்­வில், இவ்­வாண்­டின் இடை­நிலை பொரு­ளி­யல் வளர்ச்சி 1.9 விழுக்­கா­டாக இருக்­கும் என்று அவர்­கள் முன்­னு­ரைத்­த­னர்.

அந்த வளர்ச்சி விகி­தம் 1.8 விழுக்­காடு என்று டிசம்­பர் மாதம் வெளி­யி­டப்­பட்ட முந்­திய காலாண்டு ஆய்­வ­றிக்­கை­யில் அவர்­கள் கணித்து இருந்­த­னர்.

அவர்­க­ளின் மதிப்­பீடு இவ்­வாண்­டின் வளர்ச்சி 0.5 விழுக்­காட்­டுக்­கும் 2.5 விழுக்­காட்­டுக்­கும் இடைப்­பட்டு இருக்­கும் என்று அர­சாங்­கம் வெளி­யிட்ட விரி­வான முன்­னு­ரைப்பை ஒத்து உள்­ளது.

பொரு­ளி­யல் வளர்ச்சி முன்­னு­ரைப்பு இவ்­வா­றி­ருக்க, இவ்­வாண்­டுக்­கான சிங்­கப்­பூ­ரின் ஒட்­டு­மொத்த பண­வீக்­கம் 5 விழுக்­கா­டாக இருக்­கும் என்­றும் நிபு­ணர்­கள் கூறி­யுள்­ள­னர். டிசம்­பர் மாத ஆய்­வில் பண­வீக்க விகி­தம் 5.2 விழுக்­காட்­டுக்­குச் செல்­லும் என்று அவர்­கள் கணித்­தி­ருந்­த­னர். இருப்­பி­னும், மூலா­தா­ரப் பண­வீக்க விகி­தத்தை 4 விழுக்­காடு என்­ப­தி­லி­ருந்து 4.1 விழுக்­காட்­டுக்கு அவர்­கள் உயர்த்தி உள்­ள­னர்.

ஒட்­டு­மொத்த பண­வீக்­கத்­தில் தனி­யார் போக்­கு­வ­ரத்து மற்­றும் தங்­கு­மி­டச் செல­வு­க­ளைத் தவிர்த்து மூலா­தா­ரப் பண­வீக்­கம் மதிப்­பி­டப்­ப­டு­கிறது.

அதே­நே­ரம், இவ்­வாண்­டுக்­கான நாட்­டின் ஒட்­டு­மொத்த பண­வீக்­கம் 5.5 விழுக்­காட்­டுக்­கும் 6.5 விழுக்­காட்­டுக்­கும் இடைப்­பட்டு இருக்­கும் என்று சிங்­கப்­பூர் நாணய ஆணை­யம் கணித்­துள்­ளது. அதே­போல மூலா­தா­ரப் பண­வீக்க விகி­தம் 3.5 விழுக்­காடு முதல் 4.5 விழுக்­காடு வரை இருக்­கும் என்­றும் அது முன்­னு­ரைத்து உள்­ளது.

ஆயி­னும் புவி­சார் அர­சி­யல் பதற்­றங்­களும் பண­வீக்க அழுத்­தங்­களும் இரு பெரிய அபா­யங்­கள் என்று ஆய்­வில் பங்­கேற்­ற­வர்­களில் 56% பேர் கூறி­யுள்­ள­னர்.