செய்திக்கொத்து

சிறார் ஆபாசக் காணொளி வைத்திருந்த ஆடவருக்குச் சிறை

முக­மது கைரி அரி­ஃபின் எனும் 30 வயது ஆட­வ­ருக்கு நேற்று ஆறு மாதங்­கள் ஆறு வாரச் சிறைத்­தண்­டனை விதிக்­கப்­பட்­டது. சிறார் ஆபா­சப் படங்­களை வைத்­தி­ருந்­தது உள்­ளிட்ட குற்­றச்­சாட்டை அவர் ஒப்­புக்­கொண்­டார்.

அவ­ரது டுவிட்­டர் கணக்­கில் ஆபா­சப் படங்­கள் இருந்­த­தா­க­வும் 816 ஆபா­சக் காணொ­ளி­களை அவர் விற்க முயன்­ற­தா­க­வும் தெரி­விக்­கப்­பட்­டது. தற்­செ­ய­லாக இது­குறித்­துத் தெரி­ய­வந்த கைரி­யின் மேலா­ளர் காவல்­து­றை­யி­டம் புகா­ர­ளித்­தார். கைரி­யின் வீட்­டில் சோதனை நடத்­திய அதி­கா­ரி­கள், 203 சிறார் ஆபா­சக் காணொ­ளி­கள் உள்­ளிட்­ட­வற்­றைப் பறி­மு­தல் செய்­த­னர். தற்போது பிணை­யில் வெளி­வந்­துள்ள கைரி, மே மாதம் 2ஆம் தேதி தனது தண்­ட­னையை நிறைவேற்றத் தொடங்குவார் என்று தெரிவிக்கப்பட்டது.

ஜூரோங் வெஸ்ட் சாலை விபத்தில் மாண்டவர் குறித்து மனைவி நெகிழ்ச்சி

ஜூரோங் வெஸ்ட் ஸ்திரீட் 65ல் சென்ற செவ்வாய்க்கிழமை நடந்த சாலை விபத்தில் 47 வயது கியோ சான் லியாங் உயிரிழந்தார். மலேசியாவில் பதிவு செய்யப்பட்ட கார் ஒன்று அவரை மோதியது. அரைக் கண் பார்வை மட்டுமே இருந்தபோதும் தனது கணவர் கடுமையான உழைப்பாளி என்றும் அவரது தாய்க்கு மிக நல்ல மகனாக விளங்கியவர் என்றும் கியோவின் மனைவி கெல்லி வோங் கூறினார். திரு கியோ கிளமெண்டியில் உள்ள உடற்பிடிப்புக் கூடத்தில் பணிபுரிந்தார். வேலைக்குப் புறப்பட்ட அவர் பேருந்து நிறுத்தத்திற்குச் செல்ல சாலையைக் கடக்க முற்பட்டபோது கார் மோதி மாண்டார். பழக்கமான சாலை என்பதால் கியோ பார்வைக் குறைபாடு உள்ளோர் பயன்படுத்தும் கோலை எடுத்துச் செல்லவில்லை என்று கூறப்பட்டது. தேசியப் பல்கலைக்கழக மருத்துவமனையில் சிகிச்சை பெற்ற அவர் சிகிச்சை பலனின்றி நேற்று முன்தினம் உயிரிழந்தார். மனைவி, 12 வயது மகள், 78 வயதுத் தாயார் ஆகியோரை அவர் விட்டுச் சென்றுள்ளார். கார் ஓட்டுநர் விசாரணையில் உதவி வருவதாகக் காவல்துறை தெரிவித்தது.