பொருளியல் வளர்ச்சிக் கழக தலைவருக்கு புதிய பொறுப்பு

பொரு­ளி­யல் வளர்ச்­சிக் கழக தலை­வ­ரான பே சுவான் ஜின், வர்த்­தக, தொழில் அமைச்­சின் மேம்­பாட்­டுப் பிரி­வுக்கு நிரந்­த­ரச் செய­லா­ளர் ஆகி­றார். வரும் மே 1ஆம் தேதி அவர் புதிய பொறுப்பை ஏற்­கி­றார்.

தற்­போ­தைய வர்த்­தக, தொழில் அமைச்­சின் நிரந்­த­ரச் செய­லா­ள­ரான கேப்­ரி­யல் லிம், இதே அமைச்­சின் கொள்கை பிரி­வின் நிரந்­த­ரச் செய­லா­ள­ராக நிய­மிக்­கப்­பட்­டுள்­ளார்.

தற்­போது 'எண்­டர்­பி­ரைஸ் சிங்­கப்­பூர்' தலைமை நிர்­வா­கி­யாக உள்ள பிங் சியோங் பூன் தனது பத­வி­யி­லி­ருந்து விலகி டாக்­டர் பேவுக்­குப் பதி­லாக பொரு­ளி­யல் வளர்ச்­சிக் கழ­கத்­தின் தலை­வ­ரா­கி­றார்.

திரு பிங்­கின் எண்­டர் பிரைஸ் சிங்­கப்­பூர் தலைமை நிர்­வாகி பொறுப்பை தற்­போ­தைய வர்த்­தக, தொழில் அமைச்­சின் மேம்­பாட்­டுப் பிரி­வின் நிரந்­த­ரச் செய­லா­ளர் லீ சுவான் டெக் ஏற்­க­வி­ருக் கிறார்.

இந்த மாற்­றங்­களை நேற்று அறி­வித்த பொதுச் சேவை பிரிவு அனைத்து நிய­ம­னங்­களும் மே 1ஆம் தேதி­யி­லி­ருந்து அம­லுக்கு வரும் என்று தெரி­வித்­தது.

டாக்­டர் பே, பயிற்சி பெற்ற மருத்­து­வர் ஆவார். கடந்த 1992ஆம் ஆண்­டில் அவர் பொரு­ளி­யல் வளர்ச்­சிக் கழ­கத்­தில் சேர்ந்­தார்.

கழ­கத்­தின் வட­அ­மெ­ரிக்க நட­வ­டிக்­கை­க­ளை­யும் உயிர் மருத்­துவ அறி­வி­யல் பிரி­வை­யும் அவர் பார்த்­துக்­கொண்­டார்.

முன்­ன­தாக வர்த்­தக, தொழில் அமைச்­சி­லும் பணி யாற்­றிய அவர், ஏஸ்­டார் அமைப்­பில் உயிர்­ம­ருத்­துவ ஆய்வு மன்­றத்­தின் நிர்­வாக இயக்குநரா­க­வும் இருந்­துள்­ளார்.

திரு லிம், தற்­காப்பு அமைச்சு, பொதுச்­சேவை பிரிவு, சுகா­தார அமைச்சு உட்­பட பல்­வேறு பொறுப்­பு­களை வகித்­த­வர்.

கடந்த 2011ஆம் ஆண்­டில் அவர், பிர­த­ம­ரின் முதன்மை தனிச் செய­லா­ள­ராக நிய­மிக்­கப் பட்­டார்.