ஹாலந்து டிரைவ் வீட்டில் மாண்டு கிடந்த மூதாட்டி

ஹாலந்து டிரை­வில் உள்ள ஒரு வீட்­டில் 80 வயது மூதாட்­டி­யின் சட­லம் கண்­டெ­டுக்­கப்­பட்­டது. சட­லம் அழு­கிய நிலை­யில் இருந்­தது. அவர் வசித்து வந்த வீட­மைப்பு வளர்ச்­சிக் கழக வீட்­டி­லி­ருந்து துர்­நாற்­றம் வீசி­யதை அடுத்து, பக்கத்து வீட்டில் வசிப்பவர் காவல்­து­றை­யி­னரை அழைத்­தார்.

நேற்று முன்­தி­னம் பிற்­ப­கல் 1.55 மணி அள­வில் இது­கு­றித்து தக­வல் கிடைத்­த­தாக காவல்

துறை­யி­னர் தெரி­வித்­த­னர். இதை­ய­டுத்து, புளோக் 11 ஹாலந்து டிரை­வில் உள்ள அந்த வீட்­டிற்கு அதி­கா­ரி­கள் சென்­ற­னர். பிற்­ப­கல் 3 மணி அள­வில் வீட்­டின் கதவு திறக்­கப்­பட்­டது. உள்ளே சென்று பார்த்த அதி­கா­ரி­கள், அந்த மூதாட்டி மாண்டு கிடந்­ததை உறுதி செய்­த­னர்.

அந்த மூதாட்­டி­யைக் கடந்த ஒரு வார­மா­கப் பார்க்­க­வில்லை என்­றும் அவர் வேறி­டம் சென்று விட்­டார் என்று நினைத்­த­தா­வும் அதே கட்­ட­டத்­தில் வசிக்­கும் குடி­யி­ருப்­பா­ளர் ஒரு­வர் ஷின்­மின் நாளி­த­ழி­டம் தெரி­வித்­தார். மூதாட்­டி­யின் வீட்­டில் கடந்த ஒரு வார­மாக விளக்கு எரி­ய­வில்லை என்று அவர் கூறி­னார்.

மாண்ட மூதாட்டி ஒய்வு பெற்ற ஆசி­ரி­யர் என்­றும் அந்த வீட்­டில் தனி­யாக வசித்­து ­வந்­த­தா­க­வும் தெரி­விக்­கப்­பட்­டது. தமது அண்­டை­வீட்­டா­ரு­டன் அவர் நட்­பு­ற­வு­டன் பழ­கி­ய­தா­க­வும் குடி­யி­ருப்­பா­ளர்­கள் கூறி­னர்.

மூதாட்­டி­யின் மர­ணம் குறித்து காவல்­துறை விசா­ரணை நடத்­து­கிறது.