பயிற்சி பெறுவதில் சவால்: குறைந்த ஊதிய இளம் ஊழியர்கள்

குறைந்த ஊதி­யம் பெறும் வேலை­களில் உள்ள அதி­கம் கல்வி பயி­லாத இளம் ஊழி­யர்­கள், திறன் மேம்­பாட்­டுப் பயிற்­சி­களில் அதி­கம் சேரு­வ­தில்லை. அதி­கம் கல்வி பயின்­றோ­ரு­டன் ஒப்­பி­டு­கை­யில், அவர்­கள் வேலை தேடல் முறை­யில் அதிக நன்மை அடை­ய­வில்லை.

சிங்­கப்­பூர் தேசி­யப் பல்­கலைக்­க­ழ­கம் நடத்­திய அண்­மைய ஆய்­வில் இந்த விவ­ரங்­கள் தெரி­ய­வந்­துள்­ளன.

பயிற்சி மேற்­கொண்­டால் காலப்­போக்­கில் ஏறக்­கு­றைய 20 விழுக்­காடு சம்­ப­ளம் உய­ரும் எனக் கண்­ட­றி­ய­பப்பட்­டுள்­ளது. அனைத்­துத் தரப்பு ஊழி­யர்­களுக்­கும் இது பொருந்­தும். இருப்­பி­னும் குறைந்த ஊதி­யம் பெறும் இளம் ஊழி­யர்­கள் பயிற்­சி­யில் நாட்­ட­மில்லை என்று கூறி­யுள்­ள­னர்.

21 வயது முதல் 40 வயது வரை­யி­லான சிங்­கப்­பூ­ரர்­களில் குறைந்த வரு­வாய் ஈட்­டு­வோ­ரி­டம் இந்த ஆய்வு நடத்­தப்­பட்­டது. வேலை, குடும்­பம் தொடர்­பான சிக்­கல்­கள், மன­ந­லன், வேலை­யில் சம்­பள இடை­வெளி உள்­ளிட்ட அம்­சங்­கள் குறித்­துப் பங்­கேற்­பா­ளர்­கள் தங்­கள் அனு­ப­வங்­க­ளைப் பகிர்ந்துகொண்­ட­னர்.

கடந்த 2020ஆம் ஆண்டு முதல் 2022ஆம் ஆண்டு வரை ஏறத்­தாழ 1,400 பேர் இந்த ஆய்­வில் பங்­கேற்­ற­னர்.

வெவ்­வேறு கல்­வித் தகுதி உடை­யோ­ரி­டையே பயிற்­சிக்­கான நிதி கிடைப்­ப­தில் வேறு­பாடு இருப்­ப­தாக ஆய்வு குறிப்­பிட்­டது.