வீவக மறுவிற்பனை வீட்டு விலை, விற்பனை ஏற்றம்

வீட­மைப்பு வளர்ச்­சிக் கழக மறு­விற்­பனை வீட்டின் விலை­கள் பிப்­ர­வரி மாத சுணக்­கத்­திற்­குப் பிறகு சென்ற மாதம் ஏற்­றம் கண்­டன. மறு­விற்­பனை விலை­கள் முதிர்ச்­சி­ய­டைந்த பேட்­டை­களில் 0.7 விழுக்­கா­டும் முதிர்ச்­சி­ய­டை­யாத பேட்­டை­களில் 0.5 விழுக்­கா­டும் உயர்ந்­தன.

கைமா­றிய மொத்த வீடு­களில் ஐந்­தறை மற்­றும் எக்­ச­கி­யூட்­டிவ் வீடு­க­ளின் விலை­கள் ஆக அதி­க­மாக 1.3 விழுக்­காடு அதி­க­ரித்­த­தாக எஸ்­ஆர்­எக்ஸ் மற்­றும் 99.co சொத்­துச் சந்தை இணை­யத்­த­ளங்­க­ளின் தர­வு­கள் தெரி­வித்­தன.

அதே­நே­ரம் நான்­கறை வீடு­க­ளின் மறு­விற்­பனை விலை­களில் 0.5 விழுக்­கா­டும் மூவறை வீடு­களின் விலை­கள் 0.3 விழுக்­கா­டும் உயர்ந்­தன. ஒட்­டு­மொத்­த­மாக, 2022 மார்ச்சுடன் ஒப்­பி­டு­கை­யில் சென்ற மாதம் விலை­கள் 8.3% ஏற்­றம் கண்டன.

சீனப் புத்­தாண்டு காலத்­திற்­குப் பிறகு வீடு­களை வாங்­கு­வோர் மறு­விற்­ப­னைச் சந்­தைக்­குத் திரும்­பி­ய­தா­லும் பிப்­ர­வரி மாதம் குறை­வான நாள்­க­ளைக் கொண்­டி­ருந்­த­தா­லும் மார்ச் மாத விலை ஏற்­றத்­திற்கு முக்­கிய கார­ணங்­கள் என்று சொத்­துச் சந்தை பகுப்­பாய்­வா­ளர்­கள் மதிப்­பிட்­டுள்­ள­னர்.

வீவக மறு­விற்­பனை விலைக் குறி­யீட்­டி­லும் சென்ற மாதம் ஏற்­றம் பதி­வா­னது. மாத ஒப்­பீட்­டின் அடிப்­ப­டை­யில் 0.5 விழுக்­காடு விலை­கள் உயர்ந்­த­தாக சொத்­துச் சந்­தை­யின் முன்­னணி பகுப்­பாய்­வா­ளர் நிக்­க­லஸ் மாக் தெரி­வித்­துள்­ளார்.

இருப்­பி­னும், 2022 மார்ச் முதல் 2023 பிப்­ர­வரி வரை­யி­லான 12 மாத மாதாந்­திர சரா­சரி விலை உயர்வு 0.7% என்­ப­தைக் காட்­டி­லும் இது குறைவு.

மறு­விற்­பனை விலை­கள் உயர்ந்­த­தற்கு 99.co குழு­மத்­தின் ஆராய்ச்­சிப் பிரிவு தலை­வர் போ யிங் குவான் சில கார­ணங்­க­ளைக் கூறி­யுள்­ளார். தனி­யார் சொத்­து­களை வாங்க வீட்­டுக் கட­னுக்­கா­கக் காத்­தி­ருப்­போ­ரும் அந்த முயற்­சி­யில் தோல்­வி யடைந்­தோ­ரும் வீவக மறு­விற்­பனை வீடு­க­ளின் மீது கவ­னம் செலுத்­தத் தொடங்­கி­ய­தாக அவர் தெரி­வித்­துள்­ளார்.

குறிப்­பாக, ஐந்­தறை மற்­றும் எக்­ச­கி­யூட்­டிவ் வீடு­களை தனி­யார் வீடு­க­ளுக்கு மாற்­றுத் தெரி­வாக அவர்­கள் எடுத்­துக்­கொண்­ட­தால் மாத அடிப்­ப­டை­யி­லான மறு­விற்­பனை விலை­கள் மார்ச் மாதம் ஏறி­ய­தாக அவர் குறிப்­பிட்­டார்.

இந்­நி­லை­யில், வீவக மறு­விற்­பனை வீடு­க­ளின் விற்­ப­னை­யும் சென்ற மாதம் உயர்ந்­தது. பிப்­ர­வ­ரி­யில் 1,849 வீடு­கள் கைமா­றிய நிலை­யில், சென்ற மாதம் அந்த வீடு­க­ளின் எண்­ணிக்கை 2,287க்கு அதி­க­ரித்­தது. இது 23.7 விழுக்­காடு ஏற்­றம்.

வர­வு­செ­ல­வுத் திட்­டத்­தில், முதல்­முறை மறு­விற்­பனை வீடு வாங்­கு­வோ­ருக்கு மசே நிதி வீட­மைப்பு மானி­யம் அறி­விக்­கப்­பட்ட பின்­னர் வீவக மறு­விற்­பனை வீடு­க­ளின் விற்­பனை மார்ச் மாதம் சூடு­பி­டிக்­கத் தொடங்­கி­ய­தாக ஆரஞ்ச்டீ அண்ட் டை சொத்­துச் சந்தை நிறு­வ­னத்­தின் ஆராய்ச்­சிப் பிரிவு துணைத் தலை­வர் கிறிஸ்­டின் சன் தெரிவித்துள்­ளார்.