மாணவர் முரசு
இ-பேப்பர்
ஃபேர்பிரைஸ் நிறுவனத்தின் முன்னாள் அணித் தலைவர், பொருள்களை வழங்கும் பலரிடம் இருந்து $523,000 லஞ்சம் பெற்றார். அவருக்கு நேற்று மூன்றாண்டு மற்றும் இரண்டு மாதம் சிறைத்தண்டனை விதிக்கப்பட்டது.
தன்னுடைய சகா ஒருவருடன் சேர்ந்து இந்தக் குற்றச்செயலை இவர் செய்தார். சீ ஹோக் லாம், 70, என்ற இந்த நபர், $261,500 தொகையைச் செலுத்த வேண்டும் என்றும் உத்தரவிடப்பட்டது.
இல்லை என்றால் கூடுதலாக 523 நாள்கள் இவர் சிறையில் இருக்க வேண்டும்.
முன்னதாக இந்த நபர் 10 ஊழல் குற்றச்சாட்டுகளின் பேரில் குற்றத்தை ஒப்புக்கொண்டு இருந்தார்.
இவருடைய உடந்தையான லிம் கியான் கோக், 48, என்பவர், ஃபேர்பிரைஸ் பேரங்காடி கடையில் மூத்த அணித் தலைவராக இருந்தார்.
அவர் 12 ஊழல் குற்றச்சாட்டுகளின் பேரில் குற்றத்தை ஒப்புக்கொண்டார். அவருக்கு மார்ச் 31ஆம் தேதி நான்காண்டுகள் மற்றும் ஐந்து மாதம் சிறைத்தண்டனை விதிக்கப்பட்டது.
ஏறக்குறைய $290,000 தொகையை லிம் செலுத்த வேண்டும் என்றும் உத்தரவிடப்பட்டது. இல்லை என்றால் கூடுதலாக 580 நாள்கள் அவர் சிறைத்தண்டனையை அனுபவிக்க வேண்டும்.