மருத்துவ தொழில்நுட்ப மேம்பாட்டு புத்தாக்க திட்டங்களுக்கு நிதி உதவி வழங்க இணக்கம்

சிங்­ஹெல்த் குழு­மத்­திற்­கும் அறிவி­யல், தொழில்­நுட்ப, ஆய்வு அமைப்­பிற்­கும் (ஏ*ஸ்டார்) இடை­யில் புதிய பங்­கா­ளித்­துவ உடன்­பாடு நேற்று கையெ­ழுத்­தி­டப்­பட்டது.

அந்த இணக்­கத்தை அடுத்து இரு அமைப்புகளும் தலா $4 மில்­லி­யன் வழங்கி ஒரு நிதியை உரு­வாக்கும்.

மருத்­துவத் தொழில்­நுட்­பம், கணி­னித் தக­வல் அறி­வி­யல், இயந்­திர மனித தொழில்­நுட்­பம் போன்ற துறை­களில் இடம்­பெறும் திட்­டங்களுக்கு அந்த நிதி உதவும்.

சிங்­ஹெல்த் டியூக்- என்­யு­எஸ் கல்­வித்­துறை மருத்துவ நிலை­யத்­திற்­கும் ஏ*ஸ்டார் அமைப்­புக்­கும் இடை­யில் கூட்­டுத் தொழில்­கள் இடம்­பெற ஏது­வாக தேவையான வளங்­கள் அந்த இணக்­கம் கார­ண­மாக திரட்­டப்­படும்.

இந்த இரண்டு அமைப்­பு­களுக்கும் இடைப்­பட்ட ஒத்­துழைப்பு கார­ண­மாக, நோயாளி­களுக்கு நன்­மை பயக்­கும் மருத்­துவத் தீர்­வு­கள் உரு­வா­கும். சுகா­தா­ரப் பரா­ம­ரிப்­புத் துறை ஊழி­யர்­க­ளுக்கு இன்­னும் சிறந்த ஆத­ரவு கிடைக்­கும் என்று ஏ*ஸ்டார் அமைப்­பின் தலைமை நிர்­வாகி ஃபெடரிக் சியூ கூறி­னார்.

இந்­தப் புதிய நிதி­யின் முதல் திட்­ட­மாக சிங்­கப்­பூ­ரில் உள்ள அறி­வி­யல் வல்­லு­நர்­கள், கண் நோய்­க­ளைக் கண்­டு­பி­டிக்­கக்­கூடிய நிழற்­பட முறை ஒன்றை பற்றி ஆராய்ந்து வரு­கி­றார்­கள்.

'லேசிக்' போன்ற கண் அறுவை சிகிச்­சை­களை இன்னும் செம்­மை­யாக செய்­வ­தற்கு அந்த ஆய்­வுகள் மூலம் புதிய நடை­முறை­கள் உரு­வா­கும் என்று எதிர்­பார்க்­கப்­படு­கிறது.

பாது­காப்புப் பரி­சோ­தனை போன்­ற­வற்­றுக்கு பயன்­ப­டுத்­தப்­படும் 'டிஹெச்ஸெட்' என்ற நிழற்­பட முறை, கண் திசுக்­களை ஆராய்­வ­தற்கு பாது­காப்­பான ஒன்று என்று அறியப்­பட்டுள்ளது.

கரு­வி­ழி­களில் எந்த அளவுக்குத் தண்­ணீர் இருக்­கிறது என்­பதை உட­னுக்­கு­டன் கண்­கா­ணித்து அதன்­மூ­லம் கண் அறு­வை­ சி­கிச்­சை­களை மிக­வும் செம்­மை­யாக செய்­ய­லாம் என்­றும் எதிர்­பார்க்­கப்­ப­டு­கிறது.

அறி­வி­யல் வல்­லு­நர்­கள் குழு­வில் சிங்­ஹெல்த் குழுமம் ஏ*ஸ்டார் அமைப்­பைச் சேர்ந்­த­வர்­கள் இடம்­பெற்று இருக்­கி­றார்­கள்.

இந்­தத் தொழில்­து­றை­யா­ளர்­களு­டன் சேர்ந்து அந்த வல்­லு­நர்­கள் மருந்­த­கச் சாத­னம் ஒன்றை உரு­வாக்கி வரு­கி­றார்­கள்.

'Thea' என்ற அந்­தச் சாத­னம் சமூக சுகா­தார நிலை­யங்­க­ளி­லும் பய­னுள்­ள­தாக இருக்­கும் என்று எதிர்­பார்க்­கப்­ப­டு­வ­தாக ஆய்வுத் திட்­டத்­தின் மருந்­தக முதன்மை ஆய்­வா­ளர் இணைப் பேரா­சி­ரி­யர் லியு யு சி கூறி­னார்.

இந்­தக் குழு விரை­வில் மருந்­தக பரி­சோ­த­னை­க­ளைத் தொடங்க திட்­ட­மி­டு­கிறது. குழு உரு­வாக்­கும் புதிய சாத­னம் இன்­னும் ஐந்து ஆண்­டு­களில் வர்த்தக ரீதி­யில் கிடைக்­கும் என்று எதிர்­பார்க்­கப்­ப­டு­வ­தாக பேரா­சி­ரி­யர் லியு கூறி­னார்.