பொதுப்பிரிவு வாகனங்களுக்கான சிஓஇ கட்டணம் புதிய உச்சம்

ஒரு­முறை மட்­டுமே இடம்­பெற்ற நட­வ­டிக்­கை­யாக சிறிய, பெரிய கார்­க­ளுக்­கான வாகன உரி­மைச் சான்­றி­தழ் (சிஓஇ) ஒதுக்­கீடு அதி­க­ரிக்­கப்­பட்­டதை அடுத்து, இரண்டு பிரி­வு­க­ளி­லும் நேற்று சிஓஇ கட்­ட­ணம் குறைந்­தது. இருப்­பி­னும், பொதுப்­பி­ரிவு வாக­னங்­க­ளுக்­கான சிஓஇ கட்­ட­ணம் புதிய உச்­ச­மாக $125,000ஐ தொட்­டது.

மோட்­டார்­சைக்­கிள்­க­ளுக்­கான சிஓஇ கட்­ட­ணம் கடந்த ஏலக்­குத்­த­கை­யில் சரி­வைச் சந்­தித்­த­போ­தும் ஆக அண்­மைய ஏலக்­குத்­த­கை­யில் மீண்­டும் உயர்ந்­தது. இதன்­படி இம்­மா­தம் 4ஆம் தேதி­யன்று $5,002 ஆக இருந்த இப்­பி­ரி­வின் சிஓஇ கட்­ட­ணம், நேற்று $10,602 என இரு­ம­டங்­கா­கப் பதி­வா­னது.

1,600 சிசிக்கு உட்­பட்ட சிறிய கார்­கள், 110 கிலோ­வாட் சக்தி வாய்ந்த மின்­சார வாக­னங்­க­ளுக்­கான சிஓஇ கட்­டணம் முந்­தைய ஏலக்­குத்­த­கை­யில் இருந்த $101,001இலி­ருந்து 8.91% குறைந்து $92,000 ஆனது.பெரிய கார்­கள், மேலும் அதிக சக்தி கொண்ட மின்­சார வாக­னங்­கள் ஆகி­ய­வற்­றுக்­கான சிஓஇ கட்­ட­ணம் முந்­தைய ஏலக்­குத்­த­கை­யின் $119,399இலி­ருந்து 5.33% சரிந்து $113,034 ஆனது.

பொதுப் பிரிவு வாக­னங்­களுக்­கான சிஓஇ கட்­ட­ணம் $124,002இலி­ருந்து 0.8% அதி­கரித்து $125,000 ஆனது. கடந்த மாதம் இரண்­டா­வது ஏலக்­குத்­தகை­யில் இப்­பி­ரி­வின் சிஓஇ புதிய உச்­சத்தை எட்­டி­யதை அடுத்து நேற்று பதி­வான சிஓஇ கட்­ட­ணம் அதை முறி­ய­டித்­து­விட்­டது. வர்த்­த­கப் பிரிவு வாகனங்­க­ளுக்­கான சிஓஇ கட்­ட­ணம் 2.53% அதி­க­ரித்து $77,501 ஆனது.