ஊழியரைத் தேடி முதலாளிகள்: குழுவின் யோசனை வென்றது

டி4ஐ (D4I) என்ற பகி­ரங்க புத்­தாக்க இணை­யத்தளம் இந்த ஆண்­டில் தனது மூன்­றா­வது ஆண்­டுச் சேவை­யைத் தொடர்­கிறது.

ஒன்­றா­கச் சேர்ந்து சமூ­கத்­திற்கு உரிய தீர்­வு­களை உரு­வாக்க முன்­வ­ரும்­படி அது சமூக உணர்வு உள்ள புத்­தாக்க வல்­லு­நர்­களை அழைக்­கிறது.

சிங்­கப்­பூ­ரில் எளி­தில் பாதிக்­கப்­ப­டக்­கூ­டிய குடும்­பங்­க­ளைக் கைதூக்கி விடு­வது என்­பது இந்த ஆண்­டின் சவால்.

இந்த ஆண்டு அதில் கலந்து கொண்­ட­வர்­கள் கல்வி, நிதி நிர்­வா­கம், சுகா­தா­ரப் பரா­மரிப்பு ஆகி­யவை தொடர்­பான பிரச்சினை­க­ளுக்­கான தீர்­வு­களை முன்­வைத்­த­னர்.

அந்­தச் சவால் போட்­டி­யில் ஐவர் கொண்ட குழு ஒன்­றும் பங்­கெ­டுத்­தது. 'மைண்ட்ஸ்' என்ற சமூக சேவை அமைப்பின் உதவி நிர்­வா­கி­யான திரு­வாட்டி ஏரி­யல் குவீ, 31, என்­ப­வர் அந்தக் குழு­வில் இடம்பெற்று இருந்த ஒரு­வர். இவர் அந்த அமைப்பில் ஏழு ஆண்டுகள் சமூக சேவை ஆற்றியவர்.

ஊழி­யர்­கள் முத­லா­ளி­களைத் தேடி வேலை­யில் அமர்­வ­தற்­கான வேலை சந்­தை­கள்தான் பொதுவாக நடத்­தப்­ப­டு­கின்­றன.

ஆனால் அதையே நேர் மாறாக மாற்றி அறிவு மந்த குறை­பாடு உள்ள ஊழி­யர்­களைத் தேடி முத­லா­ளி­கள் வரும் வகை­யில் அந்­தக் குழு வேலை சந்தை யோசனை ஒன்றை முன்­வைத்­தது.

அந்­தச் சந்­தை­யில் ஊழி­யர்­கள் தங்­கள் ஆற்­றலை, திறனை, நாட்­டங்­களை வெளிப்­ப­டுத்­து­வார்­கள். அவர்­க­ளைப் பார்த்து முத­லா­ளி­கள் வேலைக்­குத் தேர்ந்து எடுத்­துக்­கொள்­ள­லாம்.

டி4ஐ சவால் போட்­டி­யில் மூன்று குழுக்­கள் வெற்றி பெற்­றன. அவற்­றுக்­குப் பரிசு கொடுக்­கப்­பட்­டது.

அவற்­றில் மைண்ட்ஸ் குழு ஒன்று. மூன்று குழுக்­க­ளுக்­கும் தலா $10,000 நிதி வழங்­கப்­பட்­டது. அதை கேபிட்­டல் அண்ட் ஹோப் ஃபவுண்­டே­ஷன் என்ற அமைப்பு கொடுத்­தது.

அந்­தக் குழுக்­கள் அந்த நிதி­யைக்­கொண்டு தங்­கள் யோசனை­களைச் சமூ­கத்­தில் முன்­னோ­டித் திட்­ட­மாக அம­லாக்­க­லாம்.