மாணவர் முரசு
இ-பேப்பர்
சிட்டி டெவலப்மண்ட் லிமிடட் (சிடிஎல்) நிறுவனம், இந்த ஆண்டின் முதல் மூன்று மாதங்களில் தனது சொத்து விற்பனை குறைந்து இருப்பதாகத் தெரிவித்து உள்ளது.
புதிதாக சொத்துகள் விற்பனைக்குக் கொடுக்கப்படாததே காரணம் என்றும் அது கூறியது. தன்னுடைய கூட்டுத்தொழில் நிறுவனங்கள் இந்த ஆண்டின் மார்ச் 31ஆம் தேதியுடன் முடிவடைந்த முதல் காலாண்டில் 88 சொத்துகளை விற்றன.
அவற்றின் மொத்த மதிப்பு $213.2 மில்லியன் என்று அந்தக் குழுமம் குறிப்பிட்டது. சென்ற ஆண்டின் முதல் காலாண்டில் $447.9 மில்லியன் மதிப்புள்ள 188 சொத்துகள் கைமாறியதாக சிடிஎல் இம்மாதம் 19ஆம் தேதி தெரிவித்தது.
உலக சூழ்நிலை சவால்மிக்கதாக இருக்கிறது. என்றாலும்கூட நிச்சயமில்லாத நிலவரங்களை எல்லாம் சமாளித்து முதலீட்டு வாய்ப்புகளைத் தான் தொடர்ந்து தேடிவரப் போவதாகவும் குழுமம் கூறி உள்ளது.
சந்தை நிலவரங்களை அணுக்கமாகக் கண்காணித்து வரப்போவதாகவும் பொருத்தமான நேரத்தில் தனது நியூபோர்ட் ரெசிடென்சஸ் திட்டத்தில் கட்டப்படும் வில்லங்கமில்லாத 246 வீடுகளை விற்பனைக்கு விடப்போவதாகவும் அது குறிப்பிட்டுள்ளது.