சிறப்பு, மெடிசேவ் கணக்குகளின் வட்டி விகிதம் மூன்றாம் காலாண்டில் அதிகரிக்கும்

மத்­திய சேம­நிதி உறுப்­பி­னர்­களின் சிறப்பு, மெடி­சேவ் கணக்­கு­க­ளின் வட்டி விகி­தம், ஜூலை 1க்கும் செப்­டம்­பர் 30க்கும் இடைப்­பட்ட காலத்­திற்கு ஆண்­டுக்கு 4.01 விழுக்­காடு அதி­க­ரிக்­கும். தற்­போ­தைய 4 விழுக்­காட்­டைக் காட்­டி­லும் இது அதி­கம்.

சிங்­கப்­பூர் அர­சாங்­கத்­தின் 10 ஆண்­டு­கால முறி­களில் பதி­வான 12 மாத அதி­க­ரிப்பே அதற்­குக் கார­ணம் என்று மத்­திய சேம­நிதிக் கழ­க­மும் வீட­மைப்பு வளர்ச்­சிக் கழ­க­மும் நேற்று கூட்டு அறிக்­கை­யில் தெரி­வித்­தன.

2008ஆம் ஆண்­டி­லி­ருந்து சிறப்பு, மெடி­சேவ், ஓய்­வுக்­கா­லக் கணக்­கு­க­ளுக்­கான வட்டி விகி­தம் 4 விழுக்­கா­டாக இருந்து வந்­துள்­ளது. அப்­போ­தி­லி­ருந்து சிறப்பு, மேடி­சேவ் கணக்­கு­க­ளின் வட்டி விகி­தம் தற்­போது அதி­க­ரிக்­கப்­பட்­டி­ருப்­பது இதுவே முதல்­முறை. அதே­நே­ரத்­தில், சாதா­ர­ணக் கணக்­கிற்­கும் ஓய்­வுக்­கா­லக் கணக்­கிற்­கு­மான வட்டி விகி­தத்­தில் மாற்­றம் இல்லை.

சாதா­ர­ணக் கணக்­கிற்­கான வட்டி விகி­தம் ஆண்­டுக்கு 2.5 விழுக்­கா­டாக உள்­ளது.

ஓய்­வுக்­கா­லக் கணக்­கிற்­கான வட்டி விகி­தம் ஆண்­டுக்கு 4 விழுக்­கா­டாக இருக்­கிறது.

55 வய­திற்­குட்­பட்ட மசேநி உறுப்­பி­னர்­கள் மசே­நி­தி­யின் மொத்த இருப்­பின் முதல் $60,000 தொகைக்கு ஆண்­டுக்கு கூடு­தலாக 1 விழுக்­காடு வட்­டி­யைப் பெறு­வார்­கள். இதில் சாதா­ர­ணக் கணக்­கில் அதி­க­பட்­சம் $20,000 வரைக்­கும் இந்த வட்டி கிடைக்கும்.

55 வய­தும் அதற்கு மேற்­பட்ட வய­து­டை­ய­வர்­கள் தங்­கள் கணக்­கில் அதிக வட்­டி­யைப் பெறு­வார்­கள். இவ்­வ­ய­துப் பிரி­வி­னர் மசே­நி­தி­யின் மொத்த இருப்­பின் முதல் $30,000 தொகைக்கு ஆண்­டுக்கு கூடு­த­லாக 2 விழுக்­காடு வட்­டி­யைப் பெறு­வார்­கள். இதில் சாதா­ர­ணக் கணக்­கில் அதி­க­பட்­சம் $20,000 வரைக்­கும் இந்த வட்டி கிடைக்­கும்.

மொத்த இருப்­பின் அடுத்த $30,000 தொகைக்கு ஆண்­டுக்கு கூடு­த­லாக 1 விழுக்­காடு வட்டியைப் பெறு­வார்­கள்.

வீவக வீட்­டுக் கடன்­க­ளுக்­கான வட்டி விகி­த­மும் இந்த கால­கட்­டத்­தில் மாறா­மல் ஆண்­டுக்கு 2.6 விழுக்­கா­டாக இருக்­கும்.