வீவக வீட்டு விற்பனை கூடியது

விலை வளர்ச்­சி­யில் தொய்வு ஏற்­பட்­டி­ருந்­தா­லும் அதி­க­மான வீட­மைப்பு வளர்ச்­சிக் கழக (வீவக) வீடு­கள் மே மாதத்­தில் கைமாறின.

ஏப்­ரல் மாதத்­து­டன் ஒப்­பி­டு­கை­யில், மே மாத வீவக மறு­விற்­பனை வீடு­களின் விற்­பனை விகி­தம் 3.2% கூடி, 2,259 ஆகி­யது. கடந்த ஆண்டு இதே கால­கட்­டத்­து­டன் ஒப்­பு­நோக்க, விற்­பனை விகி­தம் 4.8% கூடி­யி­ருந்­தது என்று 99.co, எஸ்­ஆர்­எக்ஸ் சொத்­துச் சந்தை தளங்­கள் நேற்று தெரி­வித்­தன.

மறு­விற்­பனை சந்­தை­யும் மீட்சி கண்­டுள்­ளது. வீவக மறு­விற்­பனை விலை­கள் ஏப்­ர­லில் 1.1%ஆக இருந்­தது. அது மே மாதத்­தில் 0.3%ஆக சற்று ஏற்­றம் கண்­டது. மொத்­தத்­தில் மே மாத வீட்டு விலை­கள் கடந்த ஆண்டு இதே கால­கட்­டத்­து­டன் ஒப்­பு­நோக்க 7.7% வளர்ச்சி கண்­டது.

விற்­பனை ஏற்­றத்­துக்­கும் மெது­வான விலை ஏற்­றத்­துக்­கும் பல்­வேறு கார­ணங்­களை சொல்­ கி­றார்­கள் சொத்­துச் சந்தை நிபு­ணர்­கள். மே மாத விற்­பனை முடி­வு­கள், 2022 செப்­டம்­ப­ரில் அறி­முகப்­ப­டுத்­தப்­பட்ட சொத்­துச் சந்தைத் தணிப்பு நட­வ­டிக்­கை­கள், இந்த ஆண்டு விற்­ப­னைக்கு விடப்­பட்ட அதி­க­மான பிடிஓ வீடு­கள் ஆகி­யவை ஏற்படுத்திய தாக்­கத்­தின் விளை­வாக இருக்­க­லாம் என்­றார் Mogul.sg சொத்­துச் சந்தை தளத்­தின் தலைமை ஆய்­வ­தி­காரி நிக்­க­லஸ் மாக்.

"ஓர­ள­வுக்கு உயர்ந்­துள்ள வீட்டு விலை­கள், வீவக மறுவிற்­பனை நிலை­ப்பாடு அடைந்­துள்­ள­தைக் காட்­டு­கிறது. இருப்­பி­னும், மிக மோச­மான பொரு­ளி­யல் மந்­த­நிலை ஏற்­பட்டாலொழிய மறு­விற்­பனை விலை­கள் சரி­யாது என்று கரு­து­கி­றேன்," என்­றும் திரு மாக் கூறி­னார்.

2022, செப்­டம்­பர் 30ஆம் தேதி முதல், தனி­யார் வீட்டு உரி­மை­யா­ளர்­கள், 15 மாதங்­க­ளுக்­குப் பிற­கு­தான் வீவக மறு­விற்­பனை வீட்டை வாங்க முடி­யும் என்ற புதிய விதி அறி­மு­க­மா­னதுடன் வீவக வீட்­டுக் கடன்­க­ளுக்­கான தகு­தி­நி­லை­யும் கடு­மை­யாக்­கப்­பட்­டது.

வீடு வாங்க தகு­தி­யா­ன­வர்­களுக்­கான வீட்டு மானிய உயர்வு இன்­னும் அதி­க­மா­னோரை சொத்­துச் சந்­தைக்கு ஈர்த்­தி­ருக்­க­லாம் என்­றார் புரோப்­நெக்ஸ் நிறு­வ­னத்­தின் ஆய்­வுப் பிரிவுத் தலை­வர் வோங் சியூ யிங்.