வர்த்தக நம்பிக்கை குறியீடு ஈராண்டில் இல்லாத அளவு சரிவு

இந்த ஆண்­டின் மூன்­றாம் காலாண்­டுக்­கான உள்­ளூர் வர்த்­த­கச் சூழல் மீதான நம்­பிக்கை கடந்த ஈராண்­டு­களில் இல்­லாத அள­வுக்கு மேலும் நலி­வ­டைந்­துள்­ள­தாக சிங்­கப்­பூர் வர்த்­த­கக் கடன் இலாகா தெரி­வித்­துள்­ளது.

உற்­பத்­தித் துறை, ஒட்­டு­மொத்த விற்­ப­னைத் துறை ஆகி­யவை மேலும் வீழ்ச்­சி­கா­ணும் என்று கூறப்­ப­டு­வ­தற்கு இடையே இந்­தச் சரிவு ஏற்­பட்­டுள்­ள­தா­கக் கூறப்­ப­டு­கிறது.

சிங்­கப்­பூர் வர்த்­தகக் கடன் இலாகா நேற்று வெளி­யிட்ட அறிக்­கை­யில் மூன்­றாம் காலாண்­டுக்­கான வர்த்­தக நம்­பிக்­கைக் குறி­யீடு 3.98 விழுக்­காட்­டுப் புள்­ளி­யா­கக் குறைந்­துள்­ளது. முந்­தைய காலாண்­டில் அது 4.6 ஆக­வும் சென்ற ஆண்­டின் மூன்­றாம் காலாண்­டில் அது 5.1 விழுக்­காட்­டுப் புள்­ளி­யாக­வும் இருந்­தது.

"கடந்த 2022ஆம் ஆண்­டின் இரண்­டா­வது காலாண்­டி­லி­ருந்து ஆறு காலாண்­டு­க­ளாக வர்த்­த­கச் சமூ­கத்­தி­ன­ரின் ஒட்­டு­மொத்த நம்­பிக்கை சரி­வில் உள்­ளது," என்­றார் சிங்­கப்­பூர் வர்த்­த­கக் கடன் இலா­கா­வின் தலைமை நிர்­வாகி ஆட்ரி சியா.

அனைத்­து­லக நிதிச் சூழ­லில் இழப்­பு­கள் ஏற்­ப­டக்­கூ­டிய அபா­யங்­கள், தற்­போ­தைய புவி­சார் அர­சி­யல் பதற்­றங்­கள், சீனா­வின் மந்­த­ம­டைந்­து­வ­ரும் தேவை­கள் ஆகி­ய­வற்­றின் பின்­ன­ணி­யில் ஆண்­டின் இரண்­டா­வது பாதி­யில் அடி­யெ­டுத்து வைப்­ப­தி­லும் அதே நம்­பிக்­கைச் சரிவு தொட­ரும் என எதிர்­பார்க்­க­லாம் என்­றார் அவர்.

பொது­வாக விற்­பனை அளவு, நிகர லாபம், விற்­பனை விலை, புதிய கொள்­மு­தல் ஒப்­பந்­தங்­கள், சரக்­குக் கையி­ருப்­புப் பட்­டி­யல், வேலை­வாய்ப்பு ஆகிய ஆறு அம்­சங்­களும் வர்த்­தக நம்­பிக்­கைக் குறி­யீட்டை நிர்­ண­யிப்­பவை.

இவற்­றில் ஐந்து அம்­சங்­கள், இரண்­டாம் காலாண்­டில் இருந்த நிலை­யி­லேயே தொடர்­கின்றன. ஆறில் மூன்று அம்­சங்­கள் காலாண்டு அடிப்­ப­டை­யில் நலிவு கண்­டி­ருப்­ப­தா­க­ குறிப்­பி­டப்­பட்­டது.

ஆண்டு அடிப்­ப­டை­யில் விற்­பனை அளவு, நிகர லாபம், விற்­பனை விலை ஆகி­யவை உயர்ந்­துள்­ளன. இருப்­பி­னும் புதிய கொள்­மு­தல் ஒப்­பந்­தங்­களும் வேலை­வாய்ப்­பு­களும் குறைந்­துள்­ளன. கட்­டு­மா­னம், நிதித் துறை­களில் வர்த்­த­கச் சூழல் நம்­பிக்கை வலு­வாக இருந்­தன. சேவை, போக்­கு­வ­ரத்­துத் துறை­க­ளி­லும் நம்­பிக்­கைக் குறி­யீடு ஓர­ளவு வலு­வாக உள்­ளன.