பணிப்பெண் ஊதியம் குறைவு

அனைத்துலக தொழிலாளர் சங்க ஆய்வு: சிங்கப்பூர், மலேசியா, தாய்லாந்தில்

சிங்­கப்­பூர், மலே­சியா, தாய்­லாந்­தில் உள்ள இல்­லப் பணிப்­பெண்­கள் குறைந்­த­பட்ச ஊதி­யத்­தை­விட குறை­வாக வரு­வாய் ஈட்­டு­வ­தாக அனைத்­து­லக தொழி­லா­ளர் சங்­கம் நடத்­திய ஆய்­வில் தெரி­ய­வந்­துள்­ளது. ஆய்­வில் இந்த மூன்று நாடு­க­ளை­யும் சேர்ந்த 610 முத­லா­ளி­கள், 1,201 இல்­லப் பணிப்­பெண்­கள் பங்­கேற்­ற­னர்.

அத்­து­டன், இவர்­க­ளது வேலை­யி­டச் சூழ­லும் மோச­மாக இருப்­ப­தா­கக் கூறப்­ப­டு­கிறது. இல்­லப் பணிப்­பெண்­கள் தேவை மிகு­தி­யாக உள்ள, மற்­ற­வர்­க­ளு­டன் தெளி­வாக தொடர்பு கொள்­ளும் திறன், மற்­ற­வர்­க­ளின் உணர்­வு­க­ளுக்கு ஈடு­கொ­டுப்­பது போன்ற பணி­களில் பணிப்­பெண்­கள் ஈடு­ப­டு­வ­தாக கடந்த 2022ஆம் ஆண்டு சேக­ரிக்­கப்­பட்ட தக­வல்­கள் கூறு­வ­தாக ஆய்வு தெரி­விக்­கிறது.

இதில் மூன்று நாடு­களில் உள்ள பணிப்­பெண்­களை ஒப்­பி­டும்­போது குறிப்­பாக சிங்­கப்­பூர் பணிப்­பெண்­கள் அதிக நேரம், தின­மும் சரா­ச­ரி­யாக 12.8 மணி­நே­ர­மும் வாரம் 81 மணி­நே­ரம், பணி­பு­ரி­வ­தா­க­வும் ஆய்­வில் கூறப்­பட்­டுள்­ளது. இது, மற்ற துறை­களில் உள்ள ஊழி­யர்­கள் அதி­க­பட்­ச­மாக 44 மணி­நே­ரம் வேலை பார்க்­கும் நிலை­யில், இல்­லப் பணிப்­பெண்­கள் கிட்­டத்­தட்ட இரண்டு பங்கு வேலை பார்ப்­ப­தாக ஆய்வு தெரிவிக்­கிறது. அவர்­கள் பார்க்­கும் வேலை­நே­ரத்­து­டன் ஒப்­பி­டும்­போது அவர்­க­ளுக்கு கிடைக்­கும் சரா­சரி மாத வரு­மா­ன­மான அமெ­ரிக்க டாலர் 480 (S$645) அந்த ஊழி­யர்­க­ளின் நாடு நிர்­ண­யித்­துள்ள குறைந்­த­பட்ச ஊதி­யத்­தை­விட குறைவு என்று ஆய்வு தெரி­விக்­கிறது.

இவற்­று­டன், மலே­சியா, தாய்­லாந்து நாடு­க­ளு­டன் ஒப்­பி­டும்­போது சிங்­கப்­பூ­ரில் வேலை பார்க்­கும் பணிப்­பெண்­கள் வேலைக்­காக இங்கு வரு­வ­தற்கு தங்­கள் ஊதி­யத்­தில் அதிக அளவு பணம் செல­வ­ழிக்­கின்­ற­னர் என்­றும் இந்த அனைத்­து­லக ஆய்வு கூறு­கிறது.