இந்த மாதப் பிற்பாதி வெப்பமாக இருக்கும்

சிங்­கப்­பூ­ரில் இந்த மாதத்தின் பிற்­பா­தி­யில் மழை பெய்­யும் நாள்­கள் குறை­வா­கவே இருக்­கும். வெப்­ப­மான நாள்­கள்­தான் மிகுந்து இருக்­கும்.

அன்­றாட வெப்­ப­நிலை 34 டிகிரி செல்­சி­யசை ஒட்­டி­ய­தாக இருக்­கும் என்று எதிர்­பார்க்­கப்­படு­கிறது.

ஒரு சில நாள்­களில் மேகம் குறைந்து வெப்­ப­நிலை 35 டிகிரி செல்­சி­யசை தொட­லாம் என்று சிங்­கப்­பூர் வானிலை ஆய்வு நிலை­யம் நேற்று தெரி­வித்­தது.

சில நாள்­களில் இரவு நேரங்­களில்­கூட வெப்­பம் அதி­க­மாக, அதா­வது 29 டிகிரி செல்­சி­யஸ் அள­வுக்கு இருக்­கக்­கூ­டும்.

இந்த மாதத்­தின் முதல் பாதி­யுடன் ஒப்­பி­டு­கை­யில் இரண்­டா­வது பாதி­யில் சரா­சரி மழை அளவு குறை­வா­கவே இருக்­கும்.

சில நாட்­களில் பிற்­ப­கல் நேரத்­தி­லும் அதி­காலை நேரத்­தி­லும் இடி­யு­டன் கொஞ்ச நேரத்­திற்கு மழை பெய்­ய­லாம். ஒரு சில நாட்­களில் காலைநேரத்­தி­லும் மழை இருக்­கும் என்று அந்த நிலை­யம் முன்­னு­ரைத்து இருக்­கிறது.

மொத்­த­மா­கப் பார்க்­கை­யில் இந்த மாதத்­தின் இரண்­டா­வது பாதி­யில் சரா­சரி மழை அளவு குறை­வா­கவே இருக்­கும் என்று நிலையம் தெரி­வித்­துள்­ளது.

இம்­மா­தத்­தின் முதல் இரண்டு வாரங்­க­ளின்போது ஜூன் 2ஆம் தேதி புலாவ் உபி­னில் அதிக பட்­ச­மாக 34.7 டிகிரி செல்­சி­யஸ் வெப்­பம் நில­வி­யது.