சிங்கப்பூர் ஏர்லைன்ஸ் பயணிகள் 15.8% அதிகரிப்பு

கடந்த ஆண்டு டிசம்பர் மாதம் சிங்கப்பூர் ஏர்லைன்சில் பயணம் செய்தோர் எண்ணிக்கை 15.8 விழுக்காடு ஏற்றம் கண்டது.

பயணிகள் எண்ணிக்கை, பயணத் தூரம் ஆகியவற்றின் அடிப்படையிலும் கடந்த ஆண்டு டிசம்பர் மாதத்தில் 15 விழுக்காடு அதிகரித்து 10.1 பில்லியனாகப் பதிவானது.

சிங்கப்பூர் ஏர்லைன்ஸ் குழுமத்தின் மலிவுக் கட்டண விமானச் சேவையான ஸ்கூட்டிற்கான பயணிகள் எண்ணிக்கை, பயணத் தூர அடிப்படையிலான விகிதிம் 18.5 விழுக்காடு உயர்ந்து மூன்று பில்லியனாகப் பதிவானது.

கடந்த ஆண்டு டிசம்பர் மாதம் சிங்கப்பூர் ஏர்லைன்சிலும் ஸ்கூட்டிலும் மொத்தம் 3.3 மில்லியன் பேர் பயணம் செய்தனர்.

2022ஆம் ஆண்டு டிசம்பர் மாதத்துடன் ஒப்பிடுகையில் இது 24.4 விழுக்காடு அதிகம்.

சிங்கப்பூர் ஏர்லைன்சில் ஏற்றிச் செல்லப்பட்ட சரக்குகளின் அளவு ஆண்டு அடிப்படையில் 4.3 விழுக்காடு உயர்ந்தது.

கடந்த ஆண்டு டிசம்பர் மாதம் 31ஆம் தேதி நிலவரப்படி, சிங்கப்பூர் ஏர்லைன்ஸ் விமானச் சேவையின் பயணிகள் கட்டமைப்பு 35 நாடுகளில் 121 இடங்களை இணைக்கிறது.

சீனாவின் சியாமன் நகருக்கான விமானச் சேவையை சிங்கப்பூர் ஏர்லைன்ஸ் கடந்த ஆண்டு டிசம்பர் மாதம் மீண்டும் தொடங்கியது.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

விருதுநகரில் ரூ.1,900 கோடியில் பிரம்மாண்ட ஜவுளிப் பூங்கா

21 Sep 2026 - 7:08 PM

ஹவ்காங் தீ விபத்தில் மூவர் உயிரிழந்த சம்பவம்: மரண விசாரணை தொடங்கியது

21 Sep 2026 - 5:45 PM

பேருந்துகளில் அசௌகரியம் விளைவிக்கும் பயணிகளுக்கு அபராதம்

21 Sep 2026 - 3:01 PM

தெங்கா, சுவா சூ காங், உட்லண்ட்சிற்கு மூன்று புதிய பேருந்துச் சேவைகள்

20 Sep 2026 - 10:23 PM

சிங்கப்பூர் ஏர்லைன்ஸ் 76 இடங்களுக்கும் ஸ்கூட் 67 இடங்களுக்கும் விமானச் சேவைகளை வழங்கியதாகத் தெரிவிக்கப்பட்டுள்ளது.