சொத்து விற்பனைத் தளமான ‘புரோபர்ட்டிகுரு’ டிசம்பர் வரையிலான நான்காவது காலாண்டில் $1.1 மில்லியன் நிகர லாபத்தை ஈட்டியுள்ளதாக அறிவித்துள்ளது.
இது, ஒரு வருடத்திற்கு முந்தைய $5.2 மில்லியன் நிகர நட்டத்திலிருந்து மீண்டு வந்துள்ளதைக் காட்டுகிறது. மேலும் இரண்டாவது காலாண்டாக அது லாபத்தைப் பதிவு செய்துள்ளது.
2022 நிதியாண்டின் 4வது காலாண்டின் $40.1 மில்லியன் வருவாயிலிருந்து இந்த காலாண்டின் வருவாய் 3.5 விழுக்காடு அதிகரித்து $41.5 மில்லியனை அது ஈட்டியுள்ளது.
வட்டி, வரிகள், தேய்மானம் மற்றும் நீண்டகாலச் சொத்துகளின் மதிப்பு ஆகியவை நீங்கலாக கடந்த ஆண்டு இதே காலகட்டத்தின் $503,000லிருந்து $8.9 மில்லியனுக்கு வருவாய் கூடியுள்ளது என்று மார்ச் 1ஆம் தேதி வெளியிடப்பட்ட புரோபர்ட்டிகுரு நிதி நிலை அறிக்கை தெரிவித்தது.