இணையம்வழி சிறார் பாலியல் துன்புறுத்தல் குற்றங்கள்: 272 பேர் கைது

இணையம் வழியாகச் சிறார் பாலியல் துன்புறுத்தல் குற்றங்களில் ஈடுபட்டதாகச் சந்தேகிக்கப்படும் 272 பேர் கைது செய்யப்பட்டுள்ளனர்.

ஐந்து வார அதிரடி நடவடிக்கையின் விளைவாக சிங்கப்பூர், ஹாங்காங், தென் கொரியா ஆகிய நாடுகளில் சந்தேக நபர்கள் பிடிபட்டனர்.

இந்தக் குற்றம் தொடர்பாக சிங்கப்பூரில் 28 பேர் கைது செய்யப்பட்டனர்.

மூன்று நாடுகளில் 236 இடங்களில் சிங்கப்பூரின் குற்றப் புலனாய்வுத் துறையும் ஹாங்காங் மற்றும் தென் கொரியப் புலனாய்வுத் துறைகளும் அதிரடிச் சோதனைகளை நடத்தின.

கைது செய்யப்பட்டவர்களில் ஆக இளையருக்கு 12 வயது; ஆக மூத்தவருக்கு 73 வயது.

சிங்கப்பூரில் கைது செய்யட்டவர்கள் 18 வயதுக்கும் 59 வயதுக்கும் இடைப்பட்டவர்கள்.

சிறார் பாலியல் துன்புறுத்தல் படங்கள், காணொளிகளை அவர்கள் வைத்திருந்ததாகவும் விநியோகம் செய்ததாகவும் கூறப்படுகிறது.

சிலர் வயது குறைந்தோருடன் பாலியல் நோக்கத்துடன் தொடர்புகொண்டதாகவும் நம்பப்படுகிறது.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

வாகனப் பதிவுக்காக மலேசிய மாதரை மணந்துகொள்ளும் வெளிநாட்டினர்: ஆர்டிடி

24 Oct 2026 - 3:59 PM

விசாரணையின்போது மயங்கி விழுந்தார்: சிங்கப்பூர் தப்ப முயன்ற ஜெம் வீரமணியின் மகள் பிடிபட்டார்

24 Oct 2026 - 5:11 PM

சினிமாவுக்கு வராமல் இருந்திருந்தால் இந்நேரம் எனக்குத் திருமணம் ஆகியிருக்கும்: அனீஷ்மா

24 Oct 2026 - 3:39 PM

காப்பியுடன் கர்நாடக இசைக் கச்சேரியை ரசிக்க வாய்ப்பு

24 Oct 2026 - 8:00 AM

கூடுதல் மதிப்பீடு செய்யவும் இப்பழக்கத்திலிருந்து விடுபட உதவி வழங்கவும் கைது செய்யப்பட்டவர்களில் ஒன்பது பேர் உள்துறைக் குழுவின் சமூக உதவி அமைப்புக்கு அனுப்பிவைக்கப்பட்டுள்ளனர்.

இந்தக் குற்றங்கள் தொடர்பாக சிங்கப்பூரில் 44 இடங்களில் கண்டெடுக்கப்பட்ட கணினிகள், கைப்பேசிகள் உட்பட பல்வகை மின்னணுச் சாதனங்களை அதிகாரிகள் பறிமுதல் செய்தனர்.