சிங்கப்பூர், அமெரிக்க ராணுவ வீரர்கள் இணைந்து வா‌ஷிங்டனில் பயிற்சி

சிங்கப்பூரையும் அமெரிக்காவையும் சேர்ந்த கிட்டத்தட்ட 670 ராணுவ வீரர்கள் அமெரிக்காவில் வாஷிங்டன் மாநிலத்தில் நடைபெற்ற வருடாந்திர பயிற்சியில் பங்கேற்றனர்.

43வது டைகர் பால்ம் என்ற அந்­தப் பயிற்சி மே மாதம் 6ஆம் தேதி­யில் இருந்து 17ஆம் தேதி வரை கூட்டுத் தளமான லூயிஸ்-மெக்கோர்ட், யகிமா பயிற்சி நிலையத்தில் நடந்தது என்று தற்­காப்பு அமைச்சு சனிக்கிழமையன்று (மே 18) தெரி­வித்­தது.

அந்த வரு­டாந்­திர பயிற்சி இரண்டு நாட்டு ராணு­வங்­களும் ஆகாய- நில ஒத்துழைப்பை வலுப்படுத்த வகை செய்கிறது.

“இந்த வருடாந்திர பயிற்சியானது இரு ராணுவங்களுக்கு இடையே தந்திரங்களையும் நுட்பங்களையும் நடைமுறைகளையும் பகிர்ந்து கொள்ள அனுமதிக்கிறது. மேலும் இப்பயிற்சி அவற்றிற்கு இடை­யில் நீண்ட நெடு­நாள்­க­ளாக நிலவி வரும் அணுக்க உற­வின் அடை­யா­ள­மா­கத் திகழ்ந்­தது,” என்று தற்காப்பு அமைச்சு கூறியது.