விமானத்தினுள் உணவு பரிமாறுவதில் கவனமான அணுகுமுறை பின்பற்றப்படும்: எஸ்ஐஏ

படம்: ராய்ட்டர்ஸ்

24 May 2024 - 11:47 am

2 mins read

சிங்கப்பூர் ஏர்லைன்ஸ் (எஸ்ஐஏ) விமானங்களில் இருக்கைவார் அணியக் கேட்டுக்கொள்ளும் சமிக்ஞை விளக்குகள் எரியும்போது, உணவு பரிமாறும் சேவை தற்காலிகமாக நிறுத்தப்படும் என்று தெரிவிக்கப்பட்டுள்ளது.

காற்றின் நிலை மாற்றத்தால் விமானம் ஆட்டங்காண நேரிட்டால் அதைக் கூடுதல் கவனத்துடன் சமாளிக்க மேற்கொள்ளப்படும் முயற்சிகளின் ஓர் அங்கம் அது.

அத்தகைய நேரங்களில் விமானச் சிப்பந்திகளும் இருக்கைகளில் அமர்ந்து, இருக்கை வார் அணிந்துகொள்ள வேண்டும் என்று எஸ்ஐஏ, மே 23ஆம் தேதி தெரிவித்தது.

இதற்கு முன்னர், விமானம் ஆட்டங்காணும் வேளைகளில் சூடான பானங்கள் மட்டுமே பரிமாறப்படமாட்டா. ஆனால் புதிய அணுகுமுறையின்கீழ், எந்தவித உணவும் பானமும் பரிமாறப்படாது.

மோசமான வானிலையின்போது எப்போதும் மேற்கொள்ளப்படும் அனைத்துப் பாதுகாப்பு நடவடிக்கைகளும் நடப்பில் இருக்கும் என்று தெரிவிக்கப்பட்டது.

பயணப்பை வைக்குமிடங்களில் பொருள்கள் கீழே விழாமல் சிப்பந்திகள் அவற்றைப் பாதுகாப்பாக வைப்பது, பயணிகளை அவரவர் இடங்களுக்குச் சென்று இருக்கை வார் அணியும்படி அறிவுறுத்துவது, கழிவறையில் இருப்போர் உட்பட உதவி தேவைப்படும் பயணிகளைக் கண்காணிப்பது போன்றவை அவற்றில் அடங்கும்.

பயணிகள், சிப்பந்திகளின் பாதுகாப்புக்கு முக்கிய முன்னுரிமை தருவதால் எஸ்ஐஏ அதன் நடைமுறையைத் தொடர்ந்து மறுஆய்வு செய்யும் என்று நிறுவனத்தின் பேச்சாளர் கூறினார்.

லண்டனிலிருந்து சிங்கப்பூர் வந்த எஸ்கியூ321 விமானம், மே 21ஆம் தேதி, மியன்மாரின் ஐராவதி ஆற்றுப்படுகைமேல் பறந்துகொண்டிருந்தபோது கடுமையாக ஆட்டங்கண்டதால், பேங்காக்கில் அவசரமாகத் தரையிறங்கியது.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

ஆசிய விளையாட்டுப் போட்டிகளின் பெண்கள் 200 மீட்டர் இறுதிப் போட்டியில் சிங்கப்பூரின் சாந்தி பெரேரா முதல் நிலையில் முடித்து மூவாண்டுகளுக்கு முன் தாம் வென்ற தங்கப் பதக்கத்தைத் தக்க வைத்துக்கொண்டார்.

200 மீட்டர் ஓட்டத்தில் மீண்டும் தங்கம் வென்றார் சாந்தி பெரேரா

27 Sep 2026 - 6:46 PM

லியோங் இங் வா $528,000 இழப்பீடு கேட்டு, தான் பணியாற்றிய நிறுவனத்திற்கு எதிரான வழக்குத் தொடுத்துள்ளார்.

தவறாக நீக்கப்பட்டதாக நிறுவனத்திற்கு எதிராக முன்னாள் ஊழியர் வழக்கு

27 Sep 2026 - 8:55 PM

தமிழ்நாடு 5,953 மில்லியன் டாலர் அந்நிய நேரடி முதலீட்டை ஈர்த்து இந்தியாவில் முதலிடத்தைப் பெற்றுள்ளது.

அந்நிய முதலீட்டில் தமிழ்நாடு முதலிடம்

27 Sep 2026 - 4:18 PM

முற்பகல் 11 மணியிலிருந்து பிற்பகல் 2.30 மணி வரையில் பக்தர்கள் நிறைவாக அன்னதானத்தை உண்டு மகிழ்ந்தனர். அன்னதானத்தைச் சீரான முறையில் நடத்த ஏறக்குறைய 1,000 தொண்டூழியர்கள் இணைந்து சேவையாற்றினர். இந்த அன்னதானம் அடுத்த நான்கு சனிக்கிழமைகளுக்குத் தொடரும்.

கோலாகலமாகத் தொடங்கிய புரட்டாசி மாத அன்னதானம்

27 Sep 2026 - 3:25 PM

இச்சம்பவத்தில் பிரிட்டனைச் சேர்ந்த 73 வயது ஜெஃப்ரி கிச்சன் மாண்டார். மேலும் பலர் காயமடைந்தனர்.

46 பயணிகளும் சிப்பந்திகள் இருவரும் இன்னும் பேங்காக் மருத்துவமனையில் சிகிச்சை பெறுவதாக மே 23ஆம் தேதி, எஸ்ஐஏ ஃபேஸ்புக்கில் பதிவிட்டது.

20 பேர் தீவிர சிகிச்சைப் பிரிவில் இருப்பதாகக் கூறிய பேங்காக்கின் சமிதிவெஜ் ஸ்ரீநகரின் மருத்துவமனை, அவர்களில் யாரும் உயிருக்கு அபாயமான நிலையில் இல்லை என்று தெரிவித்தது.

அந்த மருத்துவமனையில் உள்ள எஸ்கியூ321 பயணிகளில் ஆக மூத்தவருக்கு வயது 83. ஆக இளையவருக்கு வயது இரண்டு.

இச்செய்தியைப் பகிரவும்

குறிப்புச் சொற்கள்

எஸ்ஐஏஉணவுபாதுகாப்பு