மாணவர் முரசு
இ-பேப்பர்
டோட்டோ குலுக்கலில் $10 மில்லியன் முதல் பரிசை இம்மாதம் 17ஆம் தேதி வெல்ல வாய்ப்பு வருகிறது. கடந்த மூன்று குலுக்கல்களில் யாரும் பரிசுத் தொகையை வெல்லவில்லை.
குலுக்கல் முடிவுகள் இம்மாதம் 17ஆம் தேதி இரவு 9.30 மணிக்கு அறிவிக்கப்படும் என்று எதிர்பார்க்கப்படுகிறது. 17ஆம் தேதி இரவு 9 மணி வரை குலுக்கலில் பங்கெடுக்க முடியும்.
ஜூலை 7ஆம் தேதி ஒன்றாம் பிரிவில் இருந்த $1.2 மில்லியன் பரிசுத் தொகை, ஜூலை 10ஆம் தேதி $2.9 மில்லியனானது.
இம்மாதம் 14ஆம் தேதி இடம்பெற்ற குலுக்கலில் கிட்டத்தட்ட $5.8 மில்லியனான பரிசுத் தொகையை யாரும் வெல்லவில்லை.
$10 மில்லியன் பரிசுத்தொகையைக் கொண்ட கடைசி டோட்டோ குலுக்கல் ஜூன் 19ஆம் தேதி இடம்பெற்றது. அதில் ஒரே சீட்டுக்கு $12.3 மில்லியன் விழுந்தது.
அக்குலுக்கலுக்கான வெற்றி எண்கள் 1, 10, 37, 40, 45, 47. உபரி எண் 19.
2025 ஜூன் 19ஆம் தேதி நடந்த டோட்டா குலுக்கலின் வெற்றி எண்கள். - படம்: ஊடகம்
