சூதாட்டப் பழக்கத்தின் அவலம்: சம்பளத்தை விஞ்சிய கடன்

ஆண்டுக்கு $340,000க்குமேல் வருமானம் ஈட்டிய பொறியியல் ஆலோசகர் ஒருவர், சூதாட்டப் பழக்கத்தால் $360,000க்குமேல் இழந்து கடனில் மூழ்கியுள்ளார்.

மாதத்திற்கு $28,000க்குமேல் சம்பாதித்தபோதிலும், சூதாட்டக்கூடத்தில் மாதந்தோறும் ஏற்பட்ட $30,000க்கும் அதிகமான நட்டத்தை அவரால் ஈடுசெய்ய முடியவில்லை.

கடும் நிதி நெருக்கடியில் சிக்கிய அவர், தம்முடைய கள்ளக்காதலியும் தொழில் பங்காளியின் மகளுமான பெண்ணிடம் $800,000 கடன் வாங்கினார்.

அந்தப் பெண்ணும் ஆண்டுக்கு $43,000 சம்பளம் பெற்றுக்கொண்டு, $250,000 வரை சூதாட்டத்தில் இழந்தவர். எனினும், செல்வந்தரான தந்தையின் உதவியால் அப்பெண்ணுக்குப் பணப் பற்றாக்குறை ஏற்படவில்லை.

தம் வீட்டை மறுசீரமைக்கப் பணம் தேவைப்படுவதாகக் கூறி, அப்பெண்ணிடமிருந்து ஆடவர் கடன் பெற்றார். அப்பெண்ணும் தம் வீட்டின்மீது $1.26 மில்லியன் வங்கிக் கடன் எடுத்து, அதில் $800,000ஐ ஆடவரிடம் கொடுத்தார்.

பின்னர் மேலும் $270,000 வரை அவருக்குப் பணப் பரிமாற்றம் செய்தார். ஆனால், ஆடவர் அந்தப் பணத்தைச் சூதாட்டத்திற்கும் சொந்தச் செலவுகளுக்கும் பயன்படுத்தினார்.

இருவருக்கும் இடையே பிளவு ஏற்பட்டபோது, நிலுவையில் இருந்த $580,000 கடனைத் திருப்பித் தருமாறு அப்பெண் கோரினார். ஆனால், ஆடவர் அப்படிக் கடன் எதுவுமே வாங்கவில்லை எனக் கூறி வழக்குத் தொடுத்தார்.

வங்கிப் பணப் பரிவர்த்தனை ஆவணங்கள், எழுத்துபூர்வச் சான்றுகளை ஆய்வுசெய்த உயர் நீதிமன்றம், நிலுவைத் தொகையான $580,000ஐ வட்டியுடன் திருப்பிச் செலுத்துமாறு ஆடவருக்கு உத்தரவிட்டது.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

சிங்கப்பூரில் 14வது நாளாக ஆரோக்கியமற்ற நிலையில் காற்றுத்தரம்

18 Oct 2026 - 10:13 AM

கிரீஸ் நாட்டில் கெட்டிமேளம்; திருமண பந்தத்தில் இணையும் அனிருத்-காவ்யா மாறன்

17 Oct 2026 - 2:30 PM

கோலிவுட்டில் அசத்தக் காத்திருக்கும் ‘ராப் பொறியாளர்’ தமிழ் ஆதவன்

17 Oct 2026 - 5:05 PM

விமானக் கட்டணக் கட்டுப்பாடு: இரு வாரங்களில் புதிய விதிகள் அமல்

17 Oct 2026 - 5:22 PM

பெரிய தொகையைக் கடனாகக் கொடுக்கும்போது எழுத்துபூர்வ ஆவணங்கள் அவசியம் என்பதை இந்த வழக்கு உணர்த்துகிறது. மேலும், மத்திய சேம நிதிக் கணக்கில் போதிய சேமிப்பு இல்லாததால், ஆடவருக்கு எதிர்காலத்தில் வாழ்வாதாரப் பாதுகாப்பும் இல்லாமல் போயுள்ளது.