இரு முதியவர்கள் சண்டையில் ஒருவர் மரணம்

கிங் ஜார்ஜஸ் அவென்யூவில் அண்டை வீட்டார்களுக்கு இடையே ஏற்பட்ட சண்டையில் ஒருவர் உயிரிழந்தார். மற்றொருவர் கைது செய்யப்பட்டார்.

டிசம்பர் 22ஆம் தேதி புளோக் 805 கிங் ஜார்ஜஸ் அவென்யூவில் இரு முதியவர்கள் சண்டையிட்டுக் கொண்டனர். அவர்களுக்கு இடையிலான சிறிய சச்சரவு பின்னர் சண்டையாக மாறியது.

அண்டை வீட்டுக்காரரான எழுபது வயதுகளில் உள்ள முன்னாள் துப்புரவாளர் திருமதி கூ, சத்தத்தில் தூக்கத்திலிருந்து எழுந்துவிட்டதாகக் கூறினார்.

“வெளிக்கதவை திறப்பதற்கே அச்சமாக இருந்தது. கணவர் வரும் வரை காத்திருந்தேன்,” என்று அவர் கூறினார்.

வீடு திரும்பிய அவரது கணவர், முதல் தளத்திலிருந்து எட்டாவது மாடி வரை ரத்தக் கறை இருந்ததாகக் கூறினார்.

“இரு முதியவர்களுக்கும் முதலுதவி வழங்கப்பட்டது. இருவரும் டான் டோக் செங் மருத்துவமனைக்குக் கொண்டு செல்லப்பட்டனர். அவர்களில் ஒருவர் மருத்துவமனையில் இறந்துவிட்டார்,” என்று சிங்கப்பூர் குடிமைத் தற்காப்புப் படை தெரிவித்தது.

“காயம் அடைந்த 69 வயது முதியவர் சுயநினைவின்றி மருத்துவமனைக்குக் கொண்டு செல்லப்பட்டார். அங்கு அவர் உயிரிழந்தார்,” என்று காவல்துறையும் தெரிவித்தது.

அபாயகரமான முறையில் வேண்டுமென்றே காயம் விளைவித்ததற்காக 71 முதியவர் கைது செய்யப்பட்டதாகவும் அது கூறியது.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

ஏஐ பாதுகாப்பு: அமெரிக்கா, சீனா பேச்சு

21 Sep 2026 - 12:57 PM

தெங்கா, சுவா சூ காங், உட்லண்ட்சிற்கு மூன்று புதிய பேருந்துச் சேவைகள்

20 Sep 2026 - 10:23 PM

தமிழார்வத்தைத் தொடர்ந்து வளர்க்க சமூகம் உறுதியுடன் செயல்பட வேண்டும்: ஜனில் புதுச்சேரி

20 Sep 2026 - 8:16 PM

சென்னை விமான நிலைய நிர்வாகத்தை மாற்றக் கோரி மோடிக்கு விஜய் கடிதம்

19 Sep 2026 - 8:37 PM

இருவரும் எட்டாவது மாடியில் வசித்தனர் என்று அண்டை வீட்டார்கள் தெரிவித்தனர். இளையர் வேலை எதுவும் செய்யவில்லை. பெரியவர், கார்ப்பேட்டையில் பாதுகாவலராகப் பணியாற்றுகிறார் என்று அவர்கள் கூறினர்.