குதிரை ஆண்டை முன்னிட்டு இரு புதிய அஞ்சல் தலைகள்

சீனப் பஞ்சாங்கப்படி இவ்வாண்டு குதிரை ஆண்டு. குதிரை ஆண்டின் தொடக்கத்தை முன்னிட்டு சிங்போஸ்ட் புதிய இரண்டு அஞ்சல்தலைகளை வெளியிட்டுள்ளது.

அதுகுறித்த தகவலை சிங்போஸ் செவ்வாய்க்கிழமை (ஜனவரி 20) வெளியிட்டது.

குதிரையுள்ள அஞ்சல் தலைகளின் விலை 62 காசு, $2 என இருக்கும். அவை ஜனவரி 23ஆம் தேதியிலிருந்து விற்கப்படும்.

சீனர்களின் ராசி முறைப்படி குதிரை ஏழாவது இடத்தில் உள்ளது. மொத்தம் 12 விலங்குகள் உள்ளன.

$4.85, $5.35, $19.15, $22.20 என்ற விலைகளில் நான்கு அஞ்சல்தலை உறைகளும், பரிசுகளும் விற்பனையில் உள்ளன.

புதிய அஞ்சல்தலைகளை சிங்போஸ்ட் நிறுவனத்தின் இணையப் பக்கத்தில் முன்பதிவு செய்துகொள்ளலாம் அல்லது அதன் அலுவலகங்களில் வாங்கிக்கொள்ளலாம்.